(DiarioLibre) – Presidente di e Republica, Luis Abinader, a destitui dialuna atardi Minister di Hubentud, Alba Jimenez Ramirez. Esaki ta e segundo biaha cu e organismo ta keda sin titular den menos di un aña pa scandalnan di presunto actonan di corupcion.

Pa locual ta trata Jimenez Ramirez, el a wordo designa den e cargo dia 9 di december 2020 despues di renuncia di ex-minister Kimberly Taveras, di ken ainda tin vigente un investigacion pa trafico di influencia na momento cu el a wordo beneficia den pasado cu otorgamento di contractnan pa e colecta di sushi na diferente municipio.

Despues di e destitucion di Jimenez Ramirez ta sigui un investigacion pa presunto iregularidadnan den e proceso di subasta pa compra di ekiponan electronico na balor di tres miyon pesos, denuncia den cual su casa tambe ta vincula.

Su caso na Ministerio di Hubentud a cuminsa cu e denuncia por escrito di su ex-consultor huridico, Jose Manuel Vidal Tejada, ken a sigura cu Jimenez Ramirez tabta presion’e pa duna e contract na algun empresa cu el a selecciona di antemano.

Tejada a bisa, na momento cu el a haci e denuncia na Procuraduria General, cu casa di e Minister di Hubentud, kende ta traha manera director di otro institucion publico, ta esun cu tabatin den Ministerio di Hubentud e persona encarga di manipula e procesonan di compra y cu a ricibi e orden di Luz de Alba Jimenez.

Segun el a afirma, e aworaki ex-funcionario tabata pretende cu dos compania specificamente (Inversiones Gretmon, SRL y Sketchprom SLR) wordo selecciona den un proceso di subasta pa adkiri ekiponan tecnologico na balor di RD$ 3 miyon, den violacion completo di contratacionnan publico.

 

LEAVE A REPLY

Please enter your comment!
Please enter your name here