(DiarioLibre) – Sindicato Nacional di Trahadonan di Prensa a condena diasabra e agresion di parti di miembronan di Cuerpo de Agentes de Vigilancia y Tratamiento (VPT) contra periodistanan cu tabata cubri e audiencia contra implicadonan den e Operacion Discovery na e instalacionnan di e Palacio di Husticia na Santiago.
Supuestamente e agentenan di VPT a rosa cu pepper spray varios periodista y reporteronan grafico mientras na tabata cubri e audiencia.
E secretaria general di e sindicato, Joana Benoit, a cualifica e hecho manera un “berdadero inhusticia contra comunicacion” ya cu nan ta compronde cu e acto aki a pone den peliger e bida di e periodistanan.
“Nos no ta bay tolera e tipo di inhusticianan aki contra e clase periodistico cu ta cumpli cu su mision di informa. E comportamento aki di e agentenan di VPT ta practicanan bieu cu nos a pensa nos a supera”, e gremio a expresa a traves di un comunicado.
E sindicato ta pidi e fiscal titular di Santiago, Osvaldo Bonilla, pa investiga den profundidad e suceso aki y establece e sancionnan corespondiente na esnan cu a comete e “acto bochornoso” aki.
Debi na e efectonan di e kimico varios trahadonan di prensa a presenta problemanan respiratorio y tosamento.
Segun versionnan di periodista- y reporteronan grafico di e acontecimento, e agentenan di VPT a rosa pepper spray mientras e acusadonan tabata wordo traslada for di e sala di audiencia te na e prison di e Palacio di Husticia.
