Resultado di prome torneo di ahedres despues di vakantie grandi

Diahuebs cu a pasa, a tuma luga e prome rond di torneo Kiwanis Palm Beach. Esaki ta e prome torneo di diahuebs anochi, despues di vakantie grandi di scol.

Pa e diahuebs cu a pasa, a participa 7 hungado.

Jose (Chelo) Pesqueia a gana di Randy Tromp, Alvin Howell a perde di Octavio Croes y Angelo Franken a perde sorpresivamente di Daniel Diaz Senjor.

Enrique Jacopucci no tawata tin contrincante y a haya su punto di bye regala.

Diahuebs awor, lo topa otro Daniel Diaz (Señor) contra Jose (Chelo) Pesqueira, Octavio Croes contra Enrique Jacopucci y Alvin Howell contra Angelo Franken.

Hungadonan cu no por a participa siman pasa na e torneo aki, ainda por participa na e torneo Kiwanis Palm Beach aki. Mester presenta diahuebs awor (24 Augustus) pa 08:00pm na nos club na Nieuwstraat 11, Oranjestad y nan lo wordo ingedeeld den e torneo aki.

Tur hungado ta bon bini. E torneo aki, ta conta pa rating local y pa FAA-points.

Hungadonan cu nunca a hunga un torneo den nos club, tambe ta bon bini.

No tin un exigencia minimo pa bo por participa.

You May Also Like

Little League Softball a sali cu delegacion femenino pa Guayama, Puerto Rico

Diadomingo e seleccion femenino di softball Little League a sali pa Guayama, Puerto Rico ...

Stingray Swimming campeon di e XIII Stingray Challenge

ORANJESTAD – Durante e fin di siman di 5, 6, y 7 di april ...

Hoben atleta mester cubri su mesun gastonan pa representa Aruba

E hoben atleta Wuill Vrolijk miho conoci mane Willy Boy ta haye enfrenta cu ...

Alemania ta defende campaña pa helm di bicicleta yama ‘sexista’

BERLIN (AP) — Ministerio di Transporte Aleman ta bisa cu nan ta defende un ...

Lotto ta felicita Sophia Petrocchi cu su medaya di Brons

Ya pa tres siman un delegacion di Judo ta den exterior unda nan a ...

Ronaldo lo declara su mes culpabel di fraude fiscal

Cristiano Ronaldo lo haci un biahe no desea na Madrid mañan, y ta spera ...