Riba diaranson dia 11 di December, a tuma luga e torneo Christmas Blitz den e deporte di dam.

Un torneo Blitz ta un torneo unda hungadonan ta haya masha tiki tempo pa pensa.

E ta un wega super rapido unda cada hungado ta haya solamente 5 minuut pa termina e partido. Pero despues di cada zet, nan ta haya 5 seconde extra riba nan tempo basico di 5 minuut.

A participa un total di 9 hungado den e torneo aki.

Sistema di wega a bira un round robin (pues tur hungado a topa otro).

Na prome luga a termina Juan Enrique Nisbet (Ricky). Ricky a score 14 punto.

Na segundo luga a termina Mario Jansen (Nady). Nady a score 13 punto.

Y na tercer luga Octavio Croes cu 11 punto.

E 3 ganadonan aki, a ricibi como premio un macutu di Pasco.

Un di 4 macutu a wordo rifa entre e hungadonan cu no a gana un basket.

Esaki a wordo gana door di Julio Margaretha.

Entregamento di premio a tuma luga despues di e ultimo ronda.

LEAVE A REPLY

Please enter your comment!
Please enter your name here