“Rijbewijs actual no ta cumpli cu ley pa por vota cu ne”

Hubert Maduro, Presidente Conseho Electoral

Conseho Electoral ta declara cu e rijbewijs actual di Aruba no ta cumpli cu ley y pues no por wordo uza como medio di identificacion pa ora di vota. Presidente di Conseho Electoral Hubert Maduro ta splica nos cu esaki tin hopi mas di haber cu djis e material cu e rijbewijs ta wordo traha di dje.

“Bo por pleita tocante e datonan cu si tin un eror den e datonan esey no ta haci e completamente invalido. Na Aruba tin cantidad di hende cu tin e mesun nomber. Un eror chikito den fecha di nacemento ta haci hopi diferencia,” sr. Maduro ta bisa. Tin hende cu e mesun nomber y dos diferente fecha di nacemento y bo mester ta hopi cauteloso cu e cos aki na Aruba segun sr. Maduro.

Den eleccion pasa esaki no tabata un problema pasobra e rijbewijs actual no tabata existi.
E problema a surgi pa motibo cu hopi hende a cuminsa keha tocante erornan cu tin den e rijbewijs. “Minister ta laga drecha e decreto ministerial cu ta determina ta con un cedula mester ta anto no tin problema mas.”

Proceso
Segun Conseho Electoral, pa vota normalmente bo mester tin dos documento. E prome documento bo ta haya for di censo; cual ta un carchi cu bo datonan riba dje y ta un forma di notificacion. E papel aki ta haci bo legitimo pa vota. Esaki tambe ta mustra bo na cua urna bo tin cu bay vota. E otro documento bo ta haya ora cu bo ta yega e urna pa identifica bo mes. Akinan bo mester tin un prueba di bo identidad pa bo por vota. Di esey semper akinan na Aruba e manera di identifica bo mes tabata ta via bo cedula.

Na cuminsamento di votamento, nos na Aruba tabata uza documentonan di SVb pero e manera principal pa hopi aña caba pa identifica bo mes ta e cedula. “Esaki a cuminsa masha simpel mes tempo di Antias. Pero awor akinan e ta un cedula cu ta wordo traha casi sin intervencion di hende. E ta wordo traha directamente for di e database di censo.”

Database di censo
Mescos e ta keda pa e paspoort cual tin mesun cuido tecnico cu ta wordo haci cu e cedula, y mesun cuido tecnico pa bo por haya un documento cu ta identifica bo. E rijbewijs tambe por wordo traha asina y den pasado segun sr. Maduro el a wordo haci asina tambe. Nos tabata tin diferente sorto di rijbewijs y te hasta un papel blanco cu ta bisa cu bo a pidi un rijbewijs pero bo no por hay’e. Bo ta core cu ne pasobra cu no tabata tin rijbewijs cual ta e tempo cu Aruba a switch di rijbewijs di lino ros, un solo pida dobla na tres. E modelo di e rijbewijs tabata sali for di e tratado 49 di Geneve.

Nos a purba na Aruba pa modernisa y bay pa un tipo di carchi di grandura di e cedula despues. Esey bo ta hay’e internacionalmente den e tratado di Vienna, pero Aruba no ta miembro segun sr. Maduro su conocemento. Sr. Maduro ta bisa: “Pero esey no ta kita bo por traha un cos mescos. E importante tabata ta e tempo ey cu a saca e rijbewijs ros chikito cu e tabata sali directamente for di database di censo. Pues esaki ta brinda cierto garantia cu bo no por introduci eror humano den e proceso di traha e rijbewijs.”

Datonan corecto
Aparentemente tabata tin keho riba e sistema aki y sr. Maduro ta bisa nos redaccion cu realmente e no ta compronde pakico tabata tin tanto keho cu e sistema mester a bay for di censo. E ta splica: “Pasobra cu na Hulanda nan ta traha miles di rijbewijs den mesun manera, cu ta via oficina di gobierno/censo cu bo tin cu busk’e. Ta nan tin e datonan corecto y fuera di esey bo tin e datonan acerca di ki dia bo a pasa rijbewijs examen. Pero e datonan cu ta identifica bo ta e mesun den bo cedula y paspoort. “Awo ley ta bisa akinan cu bo por identifica bo mes cu e rijbewijs akinan. Anto nos a haya awo cu e rijbewijs akinan a bay pa wordo traha un otro caminda. E no ta wordo produci na Aruba mes anto e proceso ey ami no ta mucho contento cu ne. Pero esey no ta e problema di mas grandi. E problema ta cu e rijbewijs akinan cu ta ros y oraño, los di e erornan humano, nos como Conseho Electoral ni minister no por haci mucho cos mas cu ne,” sr. Maduro ta splica nos. Esaki pues pasobra unabes e proceso t’ey segun sr. Maduro, mester bay cu esaki mas bon cu bo por.

Ley
Sr. Maduro ta sigui bisa cu “Nos ta bibando den un estado di derecho y den un estado di ley. Ora gobierno kier saca un paspoort of cedula, e ta traha un ley cu mester bisa con e ta.” No por ta asina cu un persona ta haya un cedula berde anto un otro persona di otro color. A base di ley ta stipula grandura di e rijbewijs, si tin chip den dje, e mester bay na tal luga y ta bisa for di unda datonan mester sali. “Anto eynan tin problema pasobra cu e rijbewijs actual no ta cumpli cu ley. E ta e problema di mas grandi y di mas facil pa drecha tambe: simplemente cambia e ley”, segun sr.Maduro. Pa loke ta erornan di datonan mes cu ta bin riba dje, Conseho Electoral ta urgi hendenan pa nan mes check e cual ta e miho manera pa haci aworaki.

 

 

You May Also Like

11-11-16misasantaannakiebro (5).JPG

Ladron a kibra drenta horta na Misa Santa Anna

Diabierna mainta ora cu e personanan encarga cu Misa Santa Anna na Noord a ...

DSC_0479.JPG

Por poco Feng Yu a bira victima di atraco

Dialuna anochi central di polis ta haya un melding cu un homber lo kier ...

MFA Savaneta ta habri awe oficialmente

Desde mei 2016 a inicia cu e construccion di un di e centronan di ...

Empleado di Fedex ta duna tremendo ehempel na nos comunidad

Ayera diaranson dia 1 di februari durante rutina diario di trabou, empleado di Fedex ...

trahado ilegal y proteccion social.jpg

Grupo di trahado local sin proteccion social ta halto

E fenomeno di trahadonan sin proteccion social cu no ta registra na Banco di ...