Ministerio Publico y Cuerpo Policial di Aruba (KPA) ta informa cu Polis lo rista preventivamente (preventief fouilleren) pa posesion di droga riba diabierna, diasabra y diadomingo awor.
E accion lo tuma lugar riba diabierna 20 di mei, diasabra 21 di mei y diadomingo 22 dimei. E orarionan ta como lo siguiente:
Riba diabierna 20 di mei di 6’or di atardi pa diasabra 21 di mei pa 6’or di mainta
Riba diasabra 21 di mei di 6’or di atardi pa diadomingo 22 di mei pa 6’or di mainta.
E areanan di riesgo di seguridad ta encera e siguiente lugarnan:
– Casnan di pueblo na Bushiri, Madiki y Rancho incluso Visstraat, cercania di Manuelito’s Sports Bar, Circle K, Budweiser Bar, Club 21, Silver Palace y Flamboyant Restaurant na
Oranjestad
– Cercania di Cas Casuela na Tanki Leendert y Four Seasons na Solito
– Casnan di pueblo na Seroe Patrishi
– Casnan di pueblo na Dakota y Tarabana
– Highrise hotels (Ritz-Carlton, Marriott, luznan di trafico na Wendy’s, House of Cheng, Oude Molen, Bubaliplas)
– Malmok (Ritz-Carlton te na Arashi Beach)
– Noord y cercania (Rio Berde, Caya Calco, Kamay, Palmbeach te na Different Bar)
– Yen Yen Bar
– King Plaza
– Eagle Beach (Phoenix Hotel, Bubali, Morgan’s Island Waterpark, Oceania Condominium y Costa Linda)
E area den cual por rista preventivamente riba posesion di droga a wordo apunta pa fiscal mayor a base di un bepaling den Ley di Droga (articulo 10, derde lid) y den palabracion cu minister di husticia y alto comisario di polis. Den e area di riesgo di seguridad aki, polis ta autoriza pa para personanan na manera arbitrario y ristra nan preventivamente na nan panja riba posesion di droga.
