Roddy Ricch ta e rey di Apple Music: E rapper tin e cantica cu mas stream riba e plataforma, y tambe Album di Aña.
Apple a anuncia ayera cu Ricch a logra e hazaña cu su hit ‘The Box’ y su album debut, ‘Please Excuse Me for Being Antisocial’.
Rappernan a domina e Top 5 di album cu mayor cantidad di streams riba Apple Music, cu ‘My Turn’ di Lil Baby, ‘Shoot for the Stars Aim for the Moon’ di Pop Smoke, y ‘Eternal Atake – LUV vs. The World 2’ di Lil Uzi Vert tumando e di dos te cu cuatro luga. Strea di R&B, Summer Walker a keda na di cinco luga cu ‘Over It’.
‘Blinding Lights’ di The Weeknd tabata e di dos cantica cu mayor cantidad di streams durante e aña, sigui pa ‘Dance Monkey’ di e cantante Australiano Tones and I; ‘Rockstar’ di DaBaby y Ricch; y ‘Life is Good’ di Future y Drake.
‘Dance Monkey’, lansa originalmente na 2019 pero cu a alcansa e puesto No. 4 riba e Billboard Hot 100 e aña aki, tabata e cantica mas busca riba Shazam e aña aki (Apple a adkiri Shazam na 2018). ‘Roses (Imanbek Remix)’ di SAINt JHN; ‘Blinding Lights’ di The Weeknd; ‘Breaking Me’ di Topic & A7S; y ‘Ride It’ di Regard ta completa e Top 5.
Clasifica pa cantidad di tempo mirando letranan riba Apple Music, Cardi B y Megan Thee Stallion nan hit ‘WAP’ ta top e lista di e letranan mas lesa di 2020. Otro canticanan den Top 5 ta inclui ‘Dance Monkey’; ‘Yoru ni Kakeru’ di YOASOBI; ‘The Box’ di Ricch; y ‘Pretender’ di Official HIGE DANdism.
