Un grupo organisa pa traficacion di droga na Rotterdam a bende 367 kilo di heroina cu a produci ganashi di alrededor di 5 miyon euro.

E lider di e grupo tabatin un negoshi di carwash pa asina laba e placa. Autoridadnan a haya heroina y dos arma automatico den un auto na e negoshi. E banda di 7 persona ta actualmente dilanti Hues. Ministerio Publico na Luik ta pidi entre 5 pa 10 aña y boetnan te 40.000 euro pa e sospechosonan.

E banda cu yama Paco tabatin un call center na Belgica caminda por a haci pedida di heroina. For di eynan chauffeurnan y trahadonan tabata distribui e droga pa alrededor di 450 cliente. E droga tabata keda procesa y paketa na Rotterdam y hiba den espacionan secreto di autonan pa Maasmechelen. Contra sospechoso principal J.Y. (37) di Rotterdam OM a pidi 10 aña castigo. Su ganashinan criminal e tabata inverti den articulonan di luho y edificionan na Maroco. E tin antecedentenan serio di entre otro intento di homicidio y 11 otro sentencianan.

 

LEAVE A REPLY

Please enter your comment!
Please enter your name here