(AP) – Rusia su averahe di morto pa dia pa causa di COVID-19 a pasa di 1,000 pa prome biaha mientras cu e pais ta enfrenta un ola di infeccionnan cu ta keda aumenta.

E task force nacional pa coronavirus a reporta riba diasabra 1,002 morto den e dia anterior, cual a aumenta di 999 riba diabierna, hunto cu 33,208 caso nobo di COVID-19 confirma, mas di 1,000 caso mas cu e dia anterior.

Autoridadnan Ruso a purba di aumenta e velocidad di vacunacion cu loteria, bonus y otro premionan, pero e duda nacional pa cu e vacuna y señalnan conflictivo di e oficialnan a haci cu e esfuersonan aki no a duna hopi resultado. E gobierno a bisa e siman aki cu mas o menos 43 miyon Ruso, of 29% di e pais su populacion di casi 146 miyon hende ta completamente vacuna.

Aunke e presion di e virus ta aumentando, e Kremlin a descarta un ciere nacional manera esun den etapanan mas anterior di e pandemia cu a causa dano grandi na e economia, cual gradualmente a causa dano na e preisdent Vladimir Putin su popularidad. Na luga di esaki, el a delega e poder di reenforsa restriccion pa cu e virus na e autoridadnan regional.

Algun di Rusia su 85 region tin asistencia restringi na eventonan publico y acceso limita na cinema, restaurant y otro establecimento. Sinembargo, e bida diario ta sigui cu completo normalidad den Moscu, St. Pietersburg y hopi otro ciudadnan Ruso.

Minister di salud Mikhail Murashko a admiti e siman aki cu e facilidadnan medico a yega na un nivel unda cu nan ta bao di hopi presion, y a bisa cu autoridadnan a ofrece di mediconan retira cu ta completamente vacuna e opcion di bolbe bek trabao.

En generalm e task force di coronavirus a registra mas di 7,958,000 caso confirma y 222,315 morto, cual ta e cantidad mas halto di morto den Europa. E record oficial ta cataloga Rusia como e pais number 5 den cantidad di morto mas grandi pa causa di e pandemia mundialmente, despues di Merca, Brazil India y Mexico.

LEAVE A REPLY

Please enter your comment!
Please enter your name here