SADA preocupa pa descontento den cuerpo di Aduana

Presidente di sindicato di cuerpo di Aduana (SADA), sr. Eduard Maduro  a bisa cu  den cuadro di Dia Internacional di Aduana, e tabatin e oportunidad di papia cu director di e departamento aki pa evalua kico ta importante pa mantene uni y crea un bon ambiente den e cuerpo uniforma aki.  Maduro a bisa cu como sindicalista e tin comprension cu como director di Aduana sr. Croes tin hopi presion di gobierno y di coleganan mes.

“Pero na final di dia e trahadonan cu ta forma e cuerpo aki ta esunnan cu bo mester duna e prome atencion y e prome man”, el a bisa. Specialmente pa scucha nan problema.  Un punto cu ainda ta pendiente cu ne, y cu tabata motibo cu miembronan di SADA a manifesta nan mal contento na bispo di Pasco y Fin di Aña ultimo tabatin di haber cu e “functieomschrijving” (descripcion di funcion). Maduro a bisa cu na 2013  Aduana a riba un departamento ariba nan mes, y hopi cos a keda atras ora cu nan a Sali for di e mesun dak di departamento di Impuesto.

Mientras cu di otro banda nan ta mira cu hopi otro cos cu den nan opinion ta di menos importancia ta haya prioridad. E ta haya cu ora ta trata di trahado e ta pisa mas; ya cu e trahadonan ta sinti cu nan a wordo neglisha pa hopi aña. “Nos ta sinti cu nos merece mas mirando tur e trabou cu nos ta desplega”, el a bisa.

Igualmente mirando e actitud di e comerciantenan y di cierto hendenan, personal di Aduana ta sinti nan mes bou un presion hopi mas grandi. Pa tal motibo nan a reuni cu minister Bermudez, y SADA ta atendiendo e reunionnan aki. Maduro a laga sa cu ta hopi trabou nan tin nan dilanti, y nan tin dos luna y mei pa finalisa cu e proceso aki.  E sindicalista ta spera cu pa luna di maart nan lo mester tene algo cla riba e asunto aki di “functieomschrijving”. Pero logicamente nan tin cu bay regularmente cerca nan miembronan pa presente,  ya cu na final di dia ta nan ta esun cu ta aproba y dicidi, ya cu dirigentenan di SADA ta djis e voceronan di nan.

“Nan ta dicidi kico ta bay ta e futuro y unda nan kier wak nan mes aki 10 aña pa ehempel”, asina el a declara na Bon Dia Aruba.

 

 

You May Also Like

Klapchi

Aña aki lo tin menos permiso pa bende klapchi compara cu aña pasa

  E aña aki lo bay tin menos bendedo di klapchi, pero asina mes ...

Abuso sexual di mucha, problema social unda opinion di mucha no ta valido

ORANJESTAD – Abuso sexual di mucha a tuma luga na Aruba desde hopi tempo ...

Dir Svb transpaso fondo.JPG

Gobierno no a pidi SVb contribucion di 60.5 miyon florin

Director di Banco di Seguro Social (SVb), sr. Edwin Jacobs a nenga rotundamente cu ...

Siwa situacion web Brnobo.jpg

‘WEB ta den un decadencia total’

 Personal di WEB, mas cu 100, a protesta ayera mainta, entre otro pa motibo ...

acto heroico (2).JPG

Prome minister Eman hunto cu minister Dowers a honra polisnan pa acto heroico

Diadomingo Aruba a wordo asota pa awasero torencial cu a laga hopi area riba ...

plaza status aparte.jpg

Entrega floral y discurso na Plaza Status Aparte

Awe mainta net prome cu 11or, a tuma luga ponemento di flor na e ...