Cierto clientenan a reporta cu nan telefon a cende na candela of explota mientras cu nan tabata carga e bateria. Samsung ta bisa di a confirma 35 caso unda cu esaki a sosode pa motibo di fayo den bateria. Desde luna pasa, varios cliente a pone potret y video riba rednan social mustrando e Note 7 competamente kima bisando cu el a direpente cende na candela di su mes. Presidente di e negoshi di telefon, Koh Dong-jin, ta bisa cu un investigacion di e compania a constata cu un bateria fabrica dor di un di e dos fabricantenan a causa cu e telefon a cende na candela.
El a nenga di duna nomber di e fabricante di bateria. ”E ta bay costa nos asina hopi placa cu e ta haciendo mi curason dolor pero e decision a wordo tuma a base di siguridad pa nos clientenan cual ta mas importante.”
Fuente: SKY NEWS
