Santa Rosa ta invita cunukeronan pa planta yerba pa hooi

Santa Rosa/DLVV tin algun aña caba plantando un tipo di hooi hopi popular na paisnan Latinoamericano den nos region. Ta referi aki specificamente na e tipo di hooi yama ‘Pasto’ of ‘Pasto Morado’.

Saliendo for di e punto di bista cu Santa Rosa/DLVV ta conduci hopi investigacion na beneficio di Aruba su Sector Primario, a cuminsa planta hooi pa asina evalua si e ta factibel pa Aruba por produci esaki na un escala mas halto y cu por beneficia nos criadonan. Despues di hopi test, a conclui cu e tipo di hooi cu tin mas factibilidad di crece na Aruba ta esun tipo ‘Pasto’. Aki ta unda cu e proyecto di plantacion di hooi a bira e fuente principal di alimentacion pa e bestianan cu tin na Santa Rosa.

Den e segmento di Panorama Agropecuario, cu ta pasa tur diaranson anochi durante Telenoticia na Telearuba, e siman aki Randy a mustra con e proceso di plantacion y recoleccion di hooi ta tuma luga na Santa Rosa/DLVV. Por a mira un plantacion extenso di hooi tipo “Pasto” cu tin na Santa Rosa, cu mester wordo procesa di un manera specifico pa asina e ta apto pa cria e bestianan cu ta alimenta di dje.

Santa Rosa ta encurasha nos criadonan local pa pasa personalmente na e departamento aki y tuma informacion di con nan mes por planta hooi na nan tereno. Santa Rosa/DLVV tin un cantidad extenso di simia cu nan ta facilita esunnan cu kier planta hooi na nan mesun facilidad. Pa mas informacion por tuma contacto cu Santa Rosa/DLVV via telefon of nan Facebook Page.

 

You May Also Like

Departamento di Salud: Recall di SPAM Classic pa motibo di fragemento metal

Hormel Food Corp. recientemente a haci un recall  riba nan producto SPAM Classic. Ta ...

Bishita di websitenan di porno ta algo normal na Aruba

Un total di cuater website di porno ta den e top cincuenta webistenan mas ...

HOH: Reduccion di cama den hospital no den contra di siguridad di pashent

Director di Horacio Oduber Hospital (HOH), Ezzard Cilié a lamenta cu informacion interno di ...

Foto1.JPG

Ningun pista nobo den caso homicidio di director di Serlimar

Relaciona cu un otro crimen cu a shock comunidad di Aruba algun luna atras, cual ...

Situacion di comerciantenan den Caya a bira desespera

Ayera mainta un grupo di comerciante di Caya principal y bisindario a interumpi e ...