Cometa Neowise ta e bala espacial mas briyante y mas visibel den nos generacion, pero tambe ta e prome cometa visibel sin ningun aparato cu ta bishita nos den e era nobo di mega-constelacion di satelite manera SpaceX Starlink.
Den e episodio mas recien di ‘train’ di Starlink iritando astronomonan, un cantidad di imagen ta circulando di e satelitenan ‘photo-bombing’ (apareciendo riba potret) di e potret glamoroso di cometa Neowise.
Un potret time-lapse particularmente dramatico, di astrofotografo Daniel Lopez di Islanan Canarias, ta circulando, pa cual profesor di astronomia di Universidad di Nottingham, Michael Merrifield a expresa su sentimentonan di un manera sucinto: “Bo ta un (insulto), Elon Musk”, e profesor a skirbi riba Twitter.
SpaceX no a duna contesta inmediato na un peticion pa comentario.
Te awo, SpaceX a lansa mas di 500 di su router den orbita y tin plan pa lansa decenas di miles mas den proximo decada. E compania ta trahando cu astronomonan pa adresa e problema di briyo, diseñando un tapa di solo yama VisorSat cu cual lo ekipa su satelitenan bayendo dilanti, pa reduci e reflectividad di cada astronave chikito.
Den proximo lunanan nos lo mira con eficiente e medida ta, y si e periodo di contaminacion di luz pa observadornan di shelo lo ta djis algo anormal den historia, of e normal nobo.
