Algun dia atras, Kanye West a tweet cu e lo pidi divorcio di Kim Kardashian, pues el a acus’e di tin un encuentro cu e rapper Meek Mill den un hotel famoso di Los Angeles. A pesar cu e reunion si a tuma luga, ta parce cu West a mal interpreta e situacion.

Segun e portal TMZ, e prueba ta tangibel, ya cu Kim ta aparece den un lunch hunto cu Mill y e filantropo Clara Wu Tsai. E reunion a tuma luga na aña 2018 den e restaurant Waldorf Astoria y e tres a tene combersacion tocante reforma penitenciario.

Kardashian ta involucra cu tema di prison desde algun aña caba. Prome como figura publico el a purba di hala atencion nacional riba algun caso cu tabata lubida a traves di añanan. Despues esaki a inspir’e pa converti den abogado a traves di practica y un examen realisa na California. Incluso e tin un documental tocante esaki.

“Mi tabata purbando di divorcia desde cu Kim a reuni cu Meek na Waldorf pa e ‘reforma penitenciario’”, West a tweet diamars ultimo.

“No tin combersacion serio di divorcio ainda. Kim a menciona esaki varios biaha, pero no tin plan pa pidi divorcio te cu Kanye stabilisa. Kim no tin plan di lag’e den un momento manera esaki unda e ta vulnerabel”, un fuente a bisa E! News.

Mientras tanto, Kardashian ta na Los Angeles y West a keda na Wyoming durante ultimo dianan, pa locual no a mira su yiunan.

Pa awo, dos di e yiunan di e pareha (North y Saint) ta bao cuido di Kourtney Kardashian. Maske no ta cla unda Chicago y Psalm ta, e fuente a expresa cu tur ta protegi di e situacion, ya cu e diseñador no kier pa nan mira nan tata den un situacion manera cu e ta bibando actualmente.

LEAVE A REPLY

Please enter your comment!
Please enter your name here