In this photo provided by the Ukrainian Presidential Press Office, Ukrainian President Volodymyr Zelenskyy attends a news conference with Finnish President Sauli Niinisto after their meeting in Kyiv, Ukraine, Tuesday, Jan. 24, 2023. (Ukrainian Presidential Press Office via AP)

(AP) — Varios oficial senior na Ucrania, incluyendo gobernadornan, a perde nan trabao diamars den un scandal di corupcion afectando gobierno di presidente Volodymyr Zelenskyy mientras ta lucha contra e 11 luna di invasion Ruso.

E scandal den gobierno Ucraniano a yega mientras oficialnan Mericano a bisa cu Washington tabata cla pa aproba e suministro di tankinan M1 Abrams pa Kyiv, cu duda internacional dispersando pa manda e tankinan den e guera contra Rusia.

Zelenskyy a keda eligi na 2019 riba un plataforma anti-establecimento y anti-corupcion na un pais cu pa largo ta afecta pa corupcion, y e acusacionnan nobo ta yega mientras aliadonan occidental ta canalisando biyones di dollar pa yuda Kyiv den e bataya contra Moscu.

Oficialnan na varios pais incluyendo Merca a exigi mas transparencia pa e ayudo, mirando e corupcion rampante na Ucrania. Mientras Zelenskyy y su aliadonan ta pinta e retironan como prueba di nan esfuersonan pa combati corupcion, e scandal den tempo di guera por hunga den atakenan politico di Moscu contra liderazgo Ucraniano.

E retironan a alcansa hasta oficina di Zelenskyy. Su cabesante interino, Kyrylo Tymoshenko, prominente pa su actualisacionnan frecuente di campo di bataya, a retira mientras e presidente a priminti di adresa acusacionnan di corupcion – incluyendo algun relaciona na gastonan militar – cu a genera berguensa entre autoridadnan y por afecta esfuersonan di Ucrania pa join Union Europeo y NATO.

Medionan local a bisa cu vice-ministro di Defensa, Viacheslav Shapovalov tambe a retira en conexion cu un scandal involucrando compra di cuminda pa forsanan arma Ucraniano. Fiscal General Adhunto Oleksiy Symonenko tambe a retira. En total, cuatro minister interino y cinco gobernador di provincianan den lineanan frontal tabata cla pa bandona nan puesto, segun secretario di gabinete a bisa riba Telegram.

LEAVE A REPLY

Please enter your comment!
Please enter your name here