(AP) – Puerto Rico a privatisa e produccion di electricidad riba diaranson, selectando Genera PR pa tuma e operacion y mantenemento di e estado su unidadnan di generacion di coriente den e teritorio di Merca como parti di un contract anual di 22.5 miyon dollar.

E anuncio aki a bini mientras e isla ta lucha pa bolbe construi su base di produccion di electricidad cu ta keda deteriora bao blackout cronico frecuente causa pa loke Gobernador Pedro Pierluisi a yama “unidadnan di generacion instabil.”

“Mi ta sigur cu nan ta riba e bon caminda pa duna nos pueblo e sistema di energia accesibel y confiabel cu nan merece,” el a declara. Genera PR ta un subisidiario di New Fortress Energy basa na New York, cual ta traha hopi di cerca cu Shell Oil y otro productornan di gas y petroleo. Genera tambe lo trata tur contract relaciona cu e compra di petroleo pa e isla su 12 facilidadnan di electricidad como parti di nan contract di 10 aña cu e gobierno di Puerto Rico.

“Awe ta un dia hisotrico,” Secretario di Estado Omar Marrero, ken a nota cu horcannan recien a revela e deterioro y estado critico di e isla su base di electricidad. Puerto Rico su unidadnan di generacion, algun di nan mas di 50 aña bieu, a sufri blackout por lo menos 5 biaha pio cu e averahe di e industria den añanan recien, produciendo menos di e electricidad cu e gobierno a premira.

“Decadanan di mal maneho y negligencia a laga Puerto Rico cu un sistema di electricidad cu ta caro, ineficiente y bieu,” hunta di control federal cu ta trata Puerto Rico su finanzas a bisa den un declaracion cu ta expresa sosten na e contract cu a otorga na Genera PR.

Varios residente di e pais ta permanece cu duda na e proceso aki, hopi di nan al tanto cu pa medio di privatisa e transmision y distribucion di energia den juni no a causa un mehoracion den e problemanan, cual en realidad a empeora. E situacion cu e electricidad riba e isla ta asina precario cu Merca su gobierno recientemente a anuncia cu nan lo suministra generacion di electricidad extra temporalmente.

Otro preocupacion ta cu e costonan halto actual di energia lo bira mas halto ainda bao e acuerdo publico-priva nobo aki, preocupacion cu e oficialnan a descarta ora cu a nota cu Genera PR lo ricibi incentivo pa genera reduccion den costo, di cual 50% lo ser pasa na e clientenan.

LEAVE A REPLY

Please enter your comment!
Please enter your name here