(NLTimes) – Schiphol Airport y e unionnan cu companianan priva representando e aeropuerto su personal di seguridad a keda di acuerdo pa aumenta e pago significantemente como Schiphol su esfuerso pa atrae mas guardia di seguridad y na mesun tempo preveni cu e escasez di empleado na e aeropuerto bira pio.

E aeropuerto a ofrece 2,50 euro adicional pa ora cuminsando den november, ademas di 1,40 euro pa ora cu e empleadonan tin desde fin di e temporada di vakantie ta ricibi. E empleadonan te ainda mester vota riba e trato aki.

E dos bonusnan aki ta combina pa un aumento di 40 porciento pa algun personal cu ta ricibi e pago mas abao, aunke e 1,40 ta den efecto te cu siguiente september. Union di labor FNV a bisa cu e aumento di pago ta yega na un 20 porciento pa e empleadonan ken su salario ta mas halto. Adicionalmente, e empleadonan di siguridad lo bira eligible pa un bonus di 35 porciento si nan orario di trabao ta cuminsa entre marduga te cu 5:30am pa henter e ora cu nan traha te cu 6or di mainta.

Den e declaracion, Schiphol a bisa cu e empleadonan di seguridad lo ricibi otro aumento den pago basa riba e terminonan di inflacion di nan acuerdo colectivo. Esaki lo drenta den efecto dia 1 di januari. E no ta un certeza cu e empleadonan lo vota na fabor di esaki. Durante e periodo anterior, nan a ricibi un bonus pa ora di 5,25 euro pa motiva cu nan lo presenta na trabao. Esaki a pasa despues di lunanan largo di rij caotico.

Na memento cu e bonus aki a ser reduci, e rijnan a bolbe bek aunke e figuranan di pasahero no tabata abnormal. Como resultado di esaki, CEO di Schiphol Dick Benschop a retira di su posicion.

“Schiphol ta hopi contento cu e aumento den salario aki cu lo yuda haci traha na Schiphol hopi mas atractivo na empleadonan di seguridad. Den combinacion cu miho schedule y areanan pa descansa, esaki ta un medida importante den resolve e escasez di empleado na e aeropuerto,” e aeropuerto a declara.

Erik Maas, ken a yuda negocia e trato representando e union di labor CNV a conta ANP cu e ta spera e mehoracion den condicion di trabao lo yuda clausura e trato aki. El a nota cu e “aumento nobo tin e bentaha cu e lo bira parti di e salario.”

LEAVE A REPLY

Please enter your comment!
Please enter your name here