Un tormenta na gran parti di e pais a trece un mix di awasero, sneeuw, y biento. Esaki a ocasiona cu a cera scol, oficina y a cancela of atrasa centenares di biahe.

Meteorologo ta informa cu caida di sneeuw por yega te cu 50cm. Gobernador di New York, Andrew Cuomo a bisa pa trahado keda na cas. Gobernador di New Jersey, Phil Murphy a dicidi pa cera oficina gubernamental.

A cancela mas di 200 biahe paden y pafo di Merca cu mas di 700 atraso. Aeropuerto na area di New York y Boston a conta pa un gran parti di nan. Tractor a haya prohibicion pa pasa riba caminda y a establece limite di velocidad mas abou riba caminda na New Jersey y Pennsylvania. New York tambe a registra limite di velocidad.

Decenas di districto di scol di nort di New York ta cera, y varios campus di Universidad di New York tambe.

E problema a cuminsa diadomingo den area oriental, ora cu tormenta a sali di Midwest. Polis a atende cu mas di 550 accident relaciona cu tormenta na New York pa 7pm. Ijs riba caminda a causa accident na Interestatal 84 na Pennsylvania, y ijs a cera parti di Interestatal 81 cerca di Binghamton, New York.

E mesun tormenta a suta Merca durante varios dia mientras e tabata move a traves di e pais, bashando sneeuw pisa for di California te cu Midwest, y inundando otro areanan cu yobida. Duluth, Minnesota ta limpiando mas di 50cm di sneeuw.

 

LEAVE A REPLY

Please enter your comment!
Please enter your name here