????????????????????????????????????

Diaranson 27 di november den oranan di anochi Francisco ‘Chipen’ Chirino a bira malo y a bay laga nos. Chipen of ‘Chipi’ manera nos ta yam’e ta un tata den deporte aki na Aruba, pero alabes a traha den diferente directivanan internacional di softball.

Presidente di Aruba Softball Bond, Endy Croes ta comenta cu desde diahuebs mainta personalmente El a ricibi yamada di Presidentenan di Federacionnan di Softball di rond mundo entre otro di Panama, Colombia, Venezuela, Bahamas, Argentina, Puerto Rico, Republica Dominicana, Brasil, pa nombra algun expresando nan sentido di pesame na familiar di Chipen y e perdida cu e mundo di softball a hiba. Esaki ta ilustra e aprecio pa Chipen su trabounan Internacional. Chipen na un edad di 84 aña a bay laga nos.

Chipen pa un tempo a retira completo for di softball, despues cu el a sirbi softball pa mas di 30 aña. Desde 2004 Croes hunto cu un grupo di amigo amantenan di softball competitivo a acerca Chipen na su cas, pidiendo Chipen pa duna un man bek pa yuda lanta softball fast pitch bek, cual deporte por cierto e tempo ey tabatin alrededor di 10 aña sin draai. Asina a lanta na 2004 ‘Comision Pro Softball Organisa’. Akinan e amistad mas profundo a inicia cual a converti su mes den un relacion como famia di un tata y un yiu.

Croes ta conta con el a biaha masha hopi luga cu Chipen kende tabata gosa di un respet internacional sin igual y a habri practicamente tur porta internacional pa su persona. Chipen ta miembro activo ainda den ECASC, CONCACAS y CONSURSA. Desde 2004 te cu 2019 sin excepcion di ningun aña, a organisa campeonatonan local tanto masculino como femenino. Desde 2010 Croes y Chipen a drenta bek directiva di Aruba Softball Bond y a continua na desaroya nos atletanan. Seleccionnan a cuminsa competi internacional atrobe.

Na final di October recien ainda el a busca Chipen pa bay Pos Chikito durante e ultimo wega esta final AA Femenino sin nunca por a pensa cu ta su ultimo wega di final cu Chipi lo a presencia.

October 2017 Chipen a bay Botswana na Africa pa atende un Congreso Mundial di WBSC.

“Papa diamars awor nos lo hiba bo na bo ultimo luga di sosiego. Mi kier a gradici bo inmensamente pa tur locual bo a significa pa mi y henter mi famia. Softball ta perde un baluarte. Royal Power y Seleccionnan lo haya bo falta. Bo a laga nos cu un bashi hopi grandi pero na mesun momento nos Consuela ta cu bo lo tin un bon luga cerca Papa Dios. Danki Chipen. Terminando cu e cancion cu Royal Power a composita pa bo ‘Chipen nos ta Stimabo’”, Croes a finalisa.

 

LEAVE A REPLY

Please enter your comment!
Please enter your name here