Despues di casi un aña y mey di pelea, Scooter Braun a despedi di e master recording di Taylor Swift, bendiendo esakinan pa un cantidad di placa.
Compania di Scooter, Ithaca Holdings LLC, segun reportenan a bende e derechonan master di e prome seis album di Swift na un fondo di inversion desconoci. E cumprado segun reportenan a paga mas di $300 miyon den e acuerdo cera un par di siman atras.
E acuerdo, reporta prome pa Variety, ta inclui e roster di cliente di Big Machine, cual ta inclui Sheryl Crow, Florida Georgia Line, Thomas Rhett, Rascal Flatts y e trio anteriormente conoci como Lady Antebellum. E label lo permanece bao control di Scooter y Scott.
No ta cla si e mal relacion entre Braun y Swift lo mehora, pasobra e ta hopi malo. Manera por recorda, compania di Braun a cumpra e anterior label di Swift, Big Machine na juni 2019. Esaki claramente a pone Swift rabia, y critica Braun pa cumpra su catalogo bieu, bisando cu e movida a bin di sorpresa p’e y a kita e trabao di su bida for di dje.
Swift, kende su acuerdo cu BM a caduca na 2018, tambe a acusa Braun di ta un punk di industria. Y ora el a purba di canta su canticanan aña pasa na e American Music Awards, Swift a bisa cu Scooter y Scott tabata blokeando e.
Pero no tur ta mal noticia pa Swift, kende for di e luna aki ta liber pa graba back canticanan di su prome 5 album publica pa Big Machine. E meta ta pa fanaticonan stream su version graba di nobo na luga di esnan propiedad di e doño nobo. Mescos ta conta pa aviso comercial, manera ora show of propaganda riba television ta dicidi ki version nan kier licencia.
