Minister di Marisol Lopez-Tromp a referi na e preocupacion cu ta existi riba tereno di huur cu pa aña un famia ta bin haciendo uso di dje di nan antepasadonan cu tabata planta. E preocupacion aki ta bin cu e maneho nobo cu ta tumando luga den cuadro di ROPV.

E preocupacion ta si gobierno ta bay mishi cu tereno di esnan cu antes tabata planta y cu nan a traspasa esaki pa nan yiunan. E mandatario a bisa cu esey no ta bay ta e caso. Al contrario nan ta stimula e cultura y tradicion pa amor pa planta di un pa otro generacion . “Nos no ta bay kibra cu esaki. Semper cu e ta bay cumpli cu e meta di e tereno aki,” el a bisa

Consecuentemente no solamente cu ROPV –segun e mandatario– pero tambe tin un decreto gubernamental, caminda cu ta proteha 16 area riba nos teritorio nacional. Nan ta areanan cu a wordo delinea for di hopi aña pasa -for di aña 2003 bin ariba- caminda segun Lopez-Tromp, e tempo aya a bin cu un mocion pa cuida cierto areanan y mantene nan ‘mas trankilo cu ta posibel’. Areanan cu tin su meta pa naturalesa y cu mester keda proteha, el a bisa.

Tin 6 area importante pa diversifica nos sector economico, entre nan e parti di plantacion. El a bisa cu nan ta sinti cu e sector aki ta importante y nan a dicidi cu ta bay stimula e parti di otorgamento di tereno huur.

P’esey riba ley di ROVP aproba aña pasa, a asigna cierto area berde destina pa agricultura, cu e meta cu nan ta bay produci pa alimentacion. E hecho cu meter a cera nos frontera y bin cu e ‘lockdown’ pa evita cu caso di Covid-19 ta wordo importa, a mustra nos e problema cu lo por presenta cu scarsedad di cuminda. Mientras cu nos por tin e potencial pa stimula e sector aki.

E mandatario a bisa cu gobierno ta creando mas condicion pa facilita e acceso di awa pa agricultura. Ademas Lopez-Tromp a indica cu tin mas aspecto rond di e sector di agricultura cu pronto nan lo anuncia pa yuda e cunukeronan.

LEAVE A REPLY

Please enter your comment!
Please enter your name here