Segun prome minister Evelyn Wever-Croes: ‘Gobierno di Aruba no tin contacto cu gobierno di Venezuela’

Durante un conferencia di prensa cu gobierno a ofrece pa e medionan local, prome minister Evelyn Wever-Croes a splica e posicion di Aruba pa loke ta trata e ceramento di frontera cu Venezuela.

Prome minister a comenta cu dia cu Venezuela a dicidi di habri su fronteranan cu Aruba y Brasil, gobierno di Aruba a tuma e decision di laga e frontera cera, pa motibo cu e pais no ta prepara ainda pa un fluho grandi di persona cu lo por bin.

El a bisa cu nan a consulta e decision aki hunto cu Hulanda, y nan contesta tabata cu Aruba hunto cu Corsou y Boneiro, un frontera so nan tin cu Venezuela, y nan no por keda habri un frontera si y esun di otro pais no. Hulanda a expresa cu nan lo bay papia cu Venezuela riba esey.

Wever-Croes a expresa cu ora nan a haya e notificacion oficial, tabata normal cu Venezuela ta habri frontera cu Aruba so y no cu demas islanan. Di mesun manera, el a comenta cu Venezuela no a capta e mensahe cu Hulanda a manda pa nan, y den esey gobierno a dicidi cu ta hopi importante tambe pa nenga e permiso cu boto y avion mester pa por yega na Aruba.

Tambe el a referi cu Hulanda, dia 14 di mei ultimo, a emiti su declaracion na Venezuela cu nan tampoco no ta reconoce e decision di habri solamente e parti di frontera cu Aruba, y asina mes, Merca diaranson ultimo tambe a dicidi di cera e frontera cu Venezuela.

Wever-Croes a splica cu e motibo cu nan a dicidi di cera e frontera pa un luna so ta pasobra ley ta stipula cu mester pone un periodo, y pa via di esey nan a pone un luna, pa wak con e situacion por resolve den un luna. Pero tambe el a bisa cu lo por extende e fecha.

En cuanto algun polemica politico cu a surgi tocante e contacto cu gobierno di Aruba tin cu e gobierno di Venezuela, Wever-Croes a manifesta cu e ta kere cu na e momentonan aki, e situacion ta hopi serio cu e crisis cu Venezuela tin. El a bisa cu e declaracion di e vice-presidente di Venezuela, Delcy Rodriguez, unda nan a bisa cu tin contacto cu gobierno di Aruba, a resulta cu no ta corecto.

“Gobierno di Aruba no tin contacto cu gobierno di Venezuela.” Asina mes el a expresa cu e unico contacto cu nan tabatin, ta trata di mas di un aña pasa cu e canciyer minister di Relacion Exterior, despues di consulta cu Hulanda.

 

You May Also Like

DTI independisacion tarifa y refineria Br.JPG

DTI tin autoridad pa inspecciona siguridad laboral den refineria

E ordenansa gubernamental cu a keda introduci recientemente riba Inspector di siguridad pa asina ...

A3 23jul, NP, FADA (1).jpg

FADA: Dificil pa papia di circulacion di droga Devils Breath

Den media a sali recientemente informacion cu un persona den un club na Noord ...

Gobierno lo reuni cu Reino pa discuti renobacion di KIA

Minister di husticia Andin Bikker (POR) lo bay Hulanda pronto pa reuni entre otro ...

MINISTERIO PUBLICO.JPG

Caso fatal Wayaca: Hopi informacion di e investigacion lo keda secreto pa awo

Awe a tuma luga autopsia riba e victima mortal di e tiramento na Wayaca ...

corte.jpg

Hues a dicta cu empleadonan di Elmar no mag welga pa “no work, no pay”

Awe mainta hues a dicta sentencia den e conflicto cu a surgi siman pasa na ...

12meiNG Banco Central.jpg

Banco Central: ‘incertidumbre considerabel riba proyecto refineria’

Banco Central di Aruba ta premira un crecemento economico di 2,7% na 2018 y ...