Sindicato SEPPA a reacciona riba e carta cu Ministro di Enseñansa, Rudy Lampe a yega di menciona durante un conferencia di prensa na fin di juli. Den un rueda di prensa, e mandatario ta menciona 3 punto cual –segun e sindicato– a crea basta confusion, pa na final, nan ta bin tende cu ta hende ta compronde robes.

Pa SEPPA, riba e tema di lesuren, mester bisa cu tin diferencia entre full-time docente enseñansa primario y docente di educacion secundario. E maestro di enseñansa primario su clasificacion ta, segun onderwijsschaal primair onderwijs, schaal 13. E docente di scol secundario su clasificacion ta diferente, segun e onderwijsschaal voor voorgezetonderwijs. Den e carta –segun SEPPA– e mandatario ta papia di subsidiering di 28 alumno den scol basico como tambe secundario, cu ta 28.
28 alumno ta conta pa educacion secundario. Pa basis/kleuter ta papia di splitsings aantal, un klas por split si e grupo a yega 36 alumno. Esey kiermen bo por tin dos klas di 18 alumno. “Pero e maestro su salario no ta a base di cantidad di alumno pa cada klas!”, SEPPA ta señala.

SEPPA ta sigui bisa cu den e carta di e mandatario en cuestion ta wordo bisa cue maatregelen nan ta wordo introduci per direct’. Tin un maneho pa taakuren cu ta vigente y e idea lo tabata pa ora e structura salarial nobo wordo introduci, algun di e oranan cu ta cay te na e momento aki como taakuren lo a keda converti den un funcion (p.e. Ib-er).

Kisas di e forma aki e lo a crea un situacion mas husto y ta mustra e peso y cantidad di oranan cu ta wordo dedica na bienestar di nos alumnonan y e sistema educativo. Pero e discusionnan aki tambe tin basta aña para y no ta parce tampoco cu lo haya bida, tur pa falta di placa! Lastimamente, e mesun factor placa aki ta loke ta pushando tur e discusionnan aki, cu kisas den otro momento, ni tabata al caso, segun e sindicato.

Pakico tin taakuren
E sindicato ta haya bon pa pueblo sa pakico tin taakuren. Den e caso di taakuren, minister ta bisa cu ta duna menos ora di taakuren, pero no ta splica kico taakuren ta encera. Taakuren ta e extra atencion cu docente ta duna e.o. na e studiantenan cu tin problemanan social. No mester kita afo cu problemanan social ta refleha hopi den enseñansa. Nos ta haya tambe p.e. taakuren pa e docente cu ta sigui e.o. un curso di ‘counselor’ of ‘remedial teacher’, of otro tareanan extra. Asina por tin mas ehempel.

Lo mester keda vigila e Minister di Enseñansa si e lo aplica loke su carta ta bisa, segun SEPPA. Hecho ta cu pone limitacion den enseñansa no por bay sin mas, ya cu e lo no perhudica solamente alumno, pero tambe e docente ey cu a studia y prepara su mes como profesional no tin siguridad di entrada tampoco! Esaki ta loke den 2019 ta brinda na e profesionalnan, insiguridad.

Ya cu pa esunnan cu ta duna losse uren p.e anochi e lo tin su efecto. Normal, e ta asina cu un docente na inicio di aña escolar ta haya su cantidad di ora di les cu e tin cu duna y e ta haya su pago full e aña. Si e ta malo of pa un of otro motibo, e ta mentor na su dagschool y e anochi ey tin reparticion di rapport, e ta haya e dia aki paga. Nada di ‘op basis van werkelijk gewerkte uren’. Pues si kier mira e efecto si of no –segun SEPPA– cu tempo e mandatario lo scucha e bos di e docente, e ora tur hende lo compronde na unda ta hibando nos sistema educativo.

 

LEAVE A REPLY

Please enter your comment!
Please enter your name here