āMi no a kere e polis lo a bay dal e seƱora pero ora mi a wak esey mi a core bay filma cu mi telefon.ā
Antayera a tuma luga un detencion na Eagle Beach unda mas o menos 5 polis a presenta pa detene un dama cu lo a ta tocando muziek riba beach. Aunke portal Masnoticia y tambe Bon Dia Aruba mes a publica cu e persona aki lo a ta āhaciendo poco show pero posiblemente no ta bon di cabesā, un persona cu tabata presente a comparti un video (click aki) unda por mira cu e seƱora ta acusa polis di a molestiāe intencionalmente.
E dama di fam De Graaf a splica na e persona teniendo e camara cu el a lanta na Aruba pero a bay biba afo, recien despues di bin bek pa un tempo un di e polisnan cu lo ta un colega di su familiar ta molestiāe intencionalmente, segun e. Esaki e ta haciendo pa basta tempo conhuntamente cu e familiar, manera e ta splica den e video.
Despues di a splica cu e polisnan no a splica su persona dicon nan a boei e, un di e polisnan masculino ta bisa cu el a lanta cu violencia, riba cual e dama a reacciona cu palabra fuerte cu e no a asalta niun hende. Na e momento ey e polis a bisāe pa relaha, pero e dama a keda insisti cu e no a touch niun hende, si no al contrario, ta polis a touch e.
āMi tabata djis tende muziek trankil riba beach. Esey no ta un crimen.ā Djey e polis femenino cual lo ta conoci pa e dama a splica cu ambulance lo bin prome. Nos a purba haya mas informacion di Cuerpo Policial dicon exactamente a detene e dama y dicon a yama ambulance pero nos no a logra haya contesta di voceronan policial.
‘E seƱora ta masha bon di cabes’
Despues cu polis a hiba e dama pa warda pa ambulance e polis femenino cual e dama a menciona anteriormente a puntra e persona cu a filma si e ta filmando pa prensa, na cual el a contesta cu no, e ta filma pa su mes. E polis femenino djey a bisa e persona āpa bo mes ok. Di awo mi ta bisa bo pa wak cu e cos ki no publicaā. Na cual e persona a conesta ādicon no?ā.
Segun e polis femenino e lo no mag di publica esaki pa percura pa e privacidad di e persona mes. Pero aki e persona a bisa cu el a wak kico a pasa den distancia. Aki e polis femenino a bisa cu e dama no ta bon di cabes. Sinembargo segun e persona e persona ta āmasha bon di cabesā.
Na fin di e video e polis femenino ta avisa e ciudadano pa percura pa e no post e video. Djey e ta puntra pa identificacion di e persona, kende ta Jahruby Morris.
Nos a acerca sr. Morris tambe pa comentario, cual a splica nos cu prome cu el a cuminsa filma e tabata cu su coleganan na un di e tentnan di watersport y el a wak e dama cu polis a detene yega. āNos a wak e di ora el a yega den un bon ambiente. E tabata canta baila su so sin molestia niun hende te cu ami a kere tin un klas di zumba of algo lo tin. Pero despues na dado momento polisnan a cuminsa papia cu e seƱora despues e seƱora a bay na su pertenencianan cerca di lama.ā
E ta conta cu polis a sigui e dama y ora e dama a cay sinta nan tabata discutiendo algo. āMi ta kere nan no tabata di acuerdo un cu otro y djey tiramento di palabra a cuminsaā.
Na dado momento segun sr. Morris polis a āgewoon dal e seƱora dos wanta duro na su caraā. E seƱora lo a reacciona na e wantanan pero nan no a duna niun chens, pues nan a bula riba dje y boei e, segun e. āMi no a kere e polis lo a bay dal e seƱora pero ora mi a wak esey mi a core bay filma cu mi telefon.ā
Te na momentonan aki nos no a haya reaccion di Cuerpo Policial.
