(NLTimes)—Seguronan di salud na Hulanda ta habriendo 14 “hotel di maternidad” nobo den e pais pa atende disparidad den cuido materno causa pa un deficit den profesional. Na e hotelnan aki, localisa mayormente den hospitalnan, pero algun tambe den hotel, mayornan y nan baby recien naci por ricibi cuido profesional, AD ta reporta.
E sitionan nobo aki ta un iniciativa di seguronan di salud Zilveren Kruis, VGZ, CZ y Menzis, como tambe Maternity Care Partnership. Cuido materno tin basta tempo bao presion. Na december, nursenan di maternidad a adverti cu hopi hende muher ta ricibi menos cuido materno cu loke nan merece of mester. Na maart, e Inspectorado di Salud y Asunto Hubenil (IGJ) a reporta cu esaki ta afecta hende muher den situacionnan vulnerable y den barionan mas pober.
Na juni, un otro estudio a haya cu mortalidad di infante ta casi dos biaha mas halto cu den barionan mas pober compara cu e averahe Hulandes, aunke investigadornan no a conecta esaki specificamente na e disparidad den cuido materno.
Seguronan di salud ta spera cu hotelnan di maternidad por yuda reduci e disparidad aki. segun e seguronan, cuido consolida pa varios mama y nan baby na sitionan central asina por ofrece mas beneficio cu cuido postnatal na cas, manera ta comun na Hulanda pa decadas. Nursenan disponible por traha mas eficiente pasobra e iniciativa aki lo elimina e necesidad pa biaha bay na varios cas, por ehempel.
Algun hotel di maternidad tambe lo ta facilidadnan temporal; otronan lo keda habri permanentemente. Nan lo keda mas tanto den hospitalnan. Pero den algun sitio, seguronan di salud tambe a huur cambernan di hotel pa mayornan y nan baby.
