Ministerio Publico ta informa cu riba diabierna ultimo Polis a detene seis sospechoso relaciona cu e investigacion di e atraco arma riba La Estrella na Certified Mega Mall Oranjestad. Ta trata di cinco hende homber y un hende muher. Tres sospechoso a wordo deteni na airport mes diabierna.

Atraco
E atraco a tuma lugar riba diasabra 14 januari di e aña aki, ora dos homber arma cu cara cu no tabata tapa a drenta e hoyeria. Nan a tene e personal di e tienda bao tiro, mientras cu e atracadornan a haci e show casenan bashi. E investigacion, bao guia di fiscal di Husticia, ta andando ainda. No ta exclui mas detencion.