ORANJESTAD – E atleta di BMX Shanayah Howell lo competi den e 2019 UCI BMX Supercross World Cup na Papendal, Hulanda.
E coredo Elite di BMX di Aruba lo cuminsa cu su caredanan mañan diasabra 11 di mei unda e lo core contra e mihonan di mundo cu ta inclui e campeon Olimpico di Colombia, Mariana Pajon. E campeonato aki lo ta riba e circuito di Papendal na Arnhem.
Shanayah ta den pleno preparacion pa e Weganan Panamericano Lima 2019 cu lo tuma luga aki 3 luna mientras e ta sigui su gira pa asina prepara su mes debidamente pa e clasificacion pa Weganan Olimpico di Tokyo 2020. Coach Pedro Estaba lo guia Shanayah durante e BMX Supercross WC aki. Esaki ta segun e fuente 297 sports.
