Shell ta eliminando 900 cupo di trabao na Hulanda como parti di su reorganisacion, cu lo resulta den perdida di entre 7mil y 9mil cupo di trabao mundialmente. Exactamente ken lo ser afecta no a keda cla.

Shell lo elimina un cantidad di posicion, y hende por aplica pa e posicionnan cu resta na e compania, NOS a reporta.

E combinacion di e prijs devastadoramente abao di petroleo y e crisis di coronavirus a resulta den prijsnan di stock di e gigante di gas y petroleo Anglo-Hulandes reduciendo cu mita den ultimo aña. E compania mester a cancela mas di $2o miyon den reserva di azeta y gas.

E reorganisacion mester reduci gastonan di e compania cu alrededor di 2.5 biyon dollar pa aña. E cantidad di refineria Shell rond mundo lo reduci di 14 na seis. E refineria na Pernis lo keda habri, como tambe e sucursal kimico na Moerdijk.

E retironan na Hulanda pa e motibo aki ta parce di involucra posicionnan na oficinanan di Shell na Den Haag, Rijkswijk y Amsterdam, segun NOS. Shell a bisa cu e cantidad di trabao Hulandes lo keda reduci cu 10 porciento.

“Tin un bon plan social disponibel y Shell lo guia e empleadonan afecta di trabao pa trabao lo mas posibel”, un vocero di Shell a bisa NOS. “Pasobra e cantidad exacto no ta conoci ainda, nos no por bisa mas na e moento aki.” E vocero si a agrega cu e retiro no lo afecta e hendenan trahando na pompstation di Shell.