(200402) -- BOGOTA, 2 abril, 2020 (Xinhua) -- Personas portan mascarillas mientras se dirigen a una estación del sistema de transporte masivo TransMilenio, en el municipio de Soacha, a las afueras de la ciudad de Bogotá, Colombia, el 2 de abril de 2020. De acuerdo con el Ministerio de Salud de Colombia, se confirmaron el jueves 96 nuevos casos positivos de la enfermedad causada por el nuevo coronavirus (COVID-19), elevando la cifra total en el país a 1.161 y 19 fallecidos. (Xinhua/Jhon Paz) (jhp) (jg) (vf) (ce)

E espera di e vacuna contra Covid-19 na Colombia a wordo hiba te campo politico na unda oposicion ta exigi splicacion di Gobierno riba e condicionnan di e contractnan firma cu distinto laboratorio y specialmente di e fecha cu lo cuminsa e vacunacion.

Mientras na algun paisnan di Latino America como Mexico, Chile, Costa Rica y Argentina a cuminsa vacuna caba e personal sanitario cu ta atende directamente e pashentnan di Covid, na Colombia, cu tin e di dos cifra di personanan contagia den region despues di Brasil, e comienso di e proceso no ta conoci.

Gobierno ta sigura cu e aña aki ta espera pa vacuna 24 miyon di un total di 35,7 miyon Colombiano cu, segun ta calcula, mester ricibi suero pa alcansa inmunidad.

Di e 35,7 miyon aki cu ta ekivalente pa 70% di e poblacion nacional, di e grupo ey ta exclui muchanan bou di 16 aña, muhe embarasa y personanan cu a wordo contagia caba, cu e cual e cifra definitivo di candidato pa inmunisacion ta di 34.234.649 persona.

Pero cu clinicanan y hospitalnan cerca di e limite di nan capacidad, e ansiedad pa e vacuna ta aumenta entre e Colombianonan no solamente pa e posibel segunda ola di e pandemia sino pa via cu 18 di december ultimo presidente Ivan Duque a anuncia e prome acuerdo pa adkiri 10 miyon di dosis di Pfizer y 10 miyon di AstraZeneca, e cual a sigui cu Jansen y mediante e mecanismo Covax.

Sinembargo, e falta di precision di Gobierno pa loke ta trata e fecha, e costo di vacuna y e logistica pa hib’e na tur region di e pais, a duna inicio pa cu un sector di oposicion a wordo pidi splicacionnan den Congreso y pa via hudicial.

Ministerio di Salud ta espera di por aplica 850.000 dosis na februari, cuminsando cu trahadonan sanitario den e prome linea di lucha contra coronavirus y poblacion di 80 bay ariba y gruponan cu lo wordo extende den transcurso di aña.

Di e criticanan, riba e secreto cu ta cubri e contractnan cu farmaceutico, e minister di Salud Julian Fernandez Niño ta insisti cu na henter mundo e acuerdonan aki ta di caracter bilateral cu ta funciona cu clausula confidencial y ta sigura cu ningun pais a publica e convenio firma cu Pfizer.

LEAVE A REPLY

Please enter your comment!
Please enter your name here