Si shinishi di difunto no ta wordo dera no por duna Respons

comision santana y funeraria Br.jpg

Presidente di Comision di Santana di Playa, Gina Berkley a bisa cu e documento riba deramento di shinishi den caso di crematorio den un luga santo of sagrado no ta algo nobo. Sino cu Vaticano pa medio di Santo Papa a recorda kico ta e instruccion pa e Catoliconan riba asunto di deramento. Ya cu si e hendenan no ta haci esey, Iglesia no por duna Respons.

 

P’esey e comision aki a papia cu e funerarianan cu nan mester tene nan mes na esey.

 

Otro siman nan lo bay reuni cu Comision Central di Santana pa nan por cumpli cu e reglanan “pasobra aworaki el a bay fei man”, e ta bisa. E ta haya cu e sistema di cremacion na Aruba ta algo nobo y niun hende a sinta pa papia riba e instruccion como Catolico riba e forma cu nan mester wordo dera.

 

Santana ta yen

Actualmente e santananan Catolico na Playa ta “sold-out”; no tin mas espacio pa dera mas hende. Sinembargo sra. Berkley ta kere cu den futuro lo ta posibel, ya cu nan ta biniendo cu algun proyecto cu lo facilita mas espacio pa deramento den e santananan aki.

 

E proyecto di ‘multi kelder’ y e construccion di kelder mas halto lo crea mas espacio pa dera nos difuntonan na Playa. E sistema di cremacion di difunto tambe ta un posibilidad pa dera debidamente e restonan of shinishi di e difunto den kelder chikito.

 

Kelder mas chikito

Nan idea ta pa traha keldernan mas chikito. Ademas funeraria mes ta bendiendo kelder pa dera e restonan of shinishi di e cremacion. Pero tambe tin hopi famia di e parokia aki cu tin kelder den e santana y gewoon nan ta habri e kelder pa pone e shinishi nan. Tambe tin kelder traha pa e famia mes cu nan ta destina pa e restonan.

You May Also Like

Partidonan den coalicion a yega na acuerdo riba reparticion di carteranan

Segun informacion di formador y lider di partido MEP, Evelyn Wever- Croes, e coalicion ...

23Jun, JO, Bubali.JPG

Naturalesa den corte pa di dos biaha relaciona cu caso di Bubali Plas

Diaranson mainta a tuma luga e di dos caso den corte di Aruba relaciona ...

5P3A8644.jpg

Flex team a detene adicto ambulante cu tabata molestia den playa

Diasabra anochi den area di Hendrikstraat na Playa Flex Team a topa cu un ...

Si e ta haci coy sokete, no lag’e drenta cu bo 2017

Oh dande 2017 a bin pa saluda bo, ay nobe. Oh dande, mi 2017 ...

universidad (2).jpg

68 studiante pa Academic Foundation Year

Universidad di Aruba ta brinda un caluroso bonbini na 68 cursista pa su programa ...

imsan

‘Departamento di Salud investigando caso pashent cu a muri riba parkeerplaats Imsan

 Departamento di Salud Publico ta investigando e caso di e homber A.P. cu a ...