Na mesa di redaccion di Bon Dia Aruba a yega informacion cu SIAD ta tumando contacto cu negoshinan pa asina pasa y realisa un audit di nan bukinan y otro informacion. E rumornan aki ainda no ta confirma.
Segun e fuentenan a informa Bon Dia Aruba, ta haya un yamada pa informa cu SIAD ta bay pasa dentro di poco, sea un of dos dia despues di e yamada. Esaki a genera pregunta, manera kico a sucede cu SIAD a cuminsa haci e tipo di control aki, y kico ta e resultado cu nan ta spera di esaki.
Bon Dia Aruba a tuma contacto cu Departamento di Impuesto pa haya confirmacion di e accion aki, como tambe haya contesta pa e preguntanan menciona ariba, pero te cu ciere di e edicion aki, no a ricibi ningun contesta. Ta spera cu den proximo dianan lo por tin mas informacion.
