Dia 20 di april ultimo lo mester a tuma luga e reunion general di sindicato di maestronan di Aruba (SIMAR). Den e reunion aki nan mester a trata e presupuesto y tambe e eleccion di un directiva nobo. Sinembargo den e reunion no tabatin corum y esaki no por a tuma luga.
Presidente di SIMAR, Sheila Tromp a informa na Bon Dia Aruba cu ‘mas of menos denter di un luna nan mester yama reunion pa trata e presupuesto’. Mientras cu e directiva actual ta keda cu e responsabilidad aki y denter di cuater luna nan mester por bin cu un reunion bek pa eleccion di directiva nobo.
