Ayera a sali un rapport di Producer Price Inflation na Estados Unidos di 5.6%. Na mesun momento prijs di productonan agricultural ta hisando na un nivel casi record.

Prijs di heavy fuel oil a hisa cu mas di 65% desde januari 2026. Esaki ta nifica cu den tiki tempo, prijs di awa y coriente na Aruba lo hisa barbaramente mes.

Usando Claude Opus 5.0 mi mesun modelonan econometrico ta indica cu e factornan menciona lo crea un tasa di inflacion na Aruba di 7%+, si e situacion macro-economico global keda constante.

Nos ta den e “End-Game Monetario”

Awo normalmente Banconan Central rond mundo por baha inflacion door di hisa nan tasanan di interes. Nos ta wak cu Banco Central Europeo (ECB) y di Hapon (BOJ) ta purbando esaki, y e luna aki muy probabel Banco Central di Merca (FED) tambe lo hisa e tasa di interes.

Pero den un perspectiva mas strategico, e tasa di interes simplemente no mag di subi, debi na e nivelnan global di deficit y debe den su totalidad.

E pensamento aki ta ser confirma cerca tur Hedge Fund insider cu mi tin e luho di comunica cu nan. Ora mi puntra francamente si inflacion lo baha segun nan opinion, nan ta simplemente hari mi.

E situacion aki cu nos ta haya nos mes aden globalmente ta yama e “End-Game Monetario”.

Esaki no lo caba niun tiki bunita. Ora bira obvio cu Banconan Central mester cumpra bono di obligacion pa tene interes abao, wel inflacion ta halto. E ora si nos lo wak e binida di un tsunami mes mes di inflacion.

3 aña di advertencia

Loke ta mas lamentable di henter e saga aki, ta cu mi persona a duna tanto na tanto advertencia pa mas cu 3 aña caba den diferente medionan di comunicacion publico. Simplemente pa tur esaki wordo ignora door di e ultra-kader di e pais aki.

Notabel cu un analista individual cu investigacion di banconan di inversion y inteligencia artificial a yega na e conclusionnan aki, mientras cu nos ultra-kader tin acceso na recursonan hopi mas sofistica y cu manpower di caliber intelectual local di mas halto.

E preguntanan clave: Unda den nan procesonan analitico cos a bay fout? Con esaki por ta? Esaki ta aceptabel uberhaupt?

Awo no tin opcion facil mas

Nos a gasta tur opcion facil den e fase aki.

Na e momento aki ya caba nos por mira den manera sumamente visibel cu e acido di inflacion ta comiendo sociedad na Aruba.

Criminalidad, adiccion y abuso di substancia visibel, nivel di suicidio alarmante y mas.

Tin solucion, pero esaki no lo ta gratis mas.

Pero laga mi ta mas duidelijk posibel. Si no actua den manera cu e urgencia di mas halto, lastimamente lo bin scenarionan socio-economico cu NO LO CUMBINI NINGUN HENDE DI CUA CLASE SOCIAL CU TA NA ARUBA.

PLEASE ACTUA AWO.

Cobra fair share di sector turistico.

Redistribui esaki den forma di entrada universal.

Y stimula consumidor Arubiano mas hopi cu ta posibel pa inverti den inversion cu lo baha Aruba su gastonan nacional di current account.

Mesun storia di 3 aña pasa, awo cu urgencia profundo.