Sindicato FTA ta spera cu minister di Asunto Social y Labor, Glenbert Croes por cumpli cu loke a priminti riba pago di subsidio pa Stichting voor Verstandelijk Gehandicapten Aruba (SVGA).

E sindicalista y presidente di FTA, Hubert Dirksz a bisa cu e mandatario en cuestion a palabra cu nan, cu pa fin di luna aki lo paga tur e loke tin atrasa riba pago di subsidio.

Dirksz a declara cu e pago aki ta encera salario, aumentonan y otro beneficionan cu mester tuma luga pa e trahadonan di SVGA. Pero tambe e subsidio pa e fundacion por opera debidamente.

Presidente di FTA a informa cu nan tabatin varios reunion cu Croes, caminda el a yega na e palabracion cu pa fin di luna aki, e problema di debe atrasa di subsidio lo ta ‘tras di lomba.’

Segun e lider sindical, nan ta conta cu di parti di gobierno e palabracion aki por wordo cumpli. Ya cu e ta evita y preveni hopi problema pa e fundacion SVGA.

 

LEAVE A REPLY

Please enter your comment!
Please enter your name here