E actriz famoso Angelina Jolie-Pitt ta e representante special tambe di Estadonan Union (UN) pa cu e refugiadonan. Awe el a declara na e fuente Ingles BBC cu e sistema internacional di refugio ta deteriorando. E ta papia di e miedo cu ta reina pa migrante y ta pidi pa mundo uni forsa pa yuda e refugiadonan.
E High Commissioner for Refugees Filippo Grandi di UN tambe ta remarca cu nos no por djis nenga e migrantenan na nos frontera pasobra esaki ‘simplemente lo no funciona’. E ta bisa tambe cu mas pais na mundo mester haci esfuerso pa duna e refugiadonan un man. E ta referi na refugadionan di Siria cu tambe ta pidi ayudo den otro parti di mundo cu Europa, esta na Asia y tambe Caribe.
E problema di refugiado tambe ta concerni nos pais, siguramente cu e situacion tenso na Venezuela. Te ainda no ta conoci con Aruba lo anda cu un situacion ora gran cantidad di Venezolano lo pidi refugio. Tin un tasforce forma cu mester bin cu un plan pa cu esaki, pero mucho mas no ta cla.
E entrevista completo cu Jolie, por haya aki.
