SMAC a entrega cuentanan anual di e organisacion

8oct SMAC.jpg

Diaranson merdia Minister Otmar Oduber a ricibi for di man di presidente di SMAC, Randy Thiel, e cuentanan anual di e organisacion di Carnaval aki.

Minister Oduber a bisa cu aña pasa tabata uno di transicion cu na e momentonan ey a spera cu ta pa miho, a haya cu den un tempo relativamente corto cu e organisacion SMAC a haya pa traha a pone un Carnaval riba pia despues di un Carnaval 60 asina grandi y cu hopi turbulencia.

“Awe mi ta sumamente contento pasobra parti di e exigencianan cu tabatin y parti di e statuut como tambe di e rapport traha pa profesionalnan tabata e transparencia. Esaki ta loke e gruponan tabata busca y cu entrega di e jaarrekening aki y cu den luna di october ta presenta e programa di Carnaval pa otro aña ta mustra cu dos di e inkietudnan grandi cu tabatin ta wordo cumpli cu nan”, Minister Oduber a declara.

Randy Thiel a bisa cu esaki ta un dia historico pa Carnaval di Aruba unda cu SMAC ta cumpliendo cu e transparencia cu nan a priminti entregando na Minister, pueblo y gruponan di Carnaval e cuentanan anual di SMAC. Esaki ta e prome cuentanan anual di un organizacion di Carnaval den 60 aña di existencia di nos Carnaval, Sr. Thiel a gradici Aldrick Croes cu a yuda nan hopi y tambe na Leysner & de Cuba pa cu e cuentanan anual. El a bisa cu a practicamente break even, pero cu ainda tin algun cos cu mester ahusta.

Minister Oduber a felicita y encurasha e grupo di SMAC pa sigui cu e entusiasmo pa cu e temporada 62 di nos Carnaval. E mandatario ta sigur cu e lo bira uno grandi un biaha mas y ta pidi comercio en general pa sostene e organisacion di Carnaval y e boluntarionan cu ta yuda den dje.

You May Also Like

Banco central su Monitor Pronostico di Economia

Banco Central di Aruba (BCA) ta publica un actualisacion di e ‘Economic Forecast Monitor’. ...

Primicia di Bon Dia, awor Citgo ta confirma: proyecto refineria a para

Pa un tempo caba Bon Dia ta publicando riba e situacion di e refineria ...

Ingeniero Sia: Pais Aruba y CAP NV a conscientemente laga Repsol contamina lama ilegalmente

ORANJESTAD – Segun Sociedad di Ingeniero di Aruba (Sia), Repsol a los likido mescla ...

Ennia oficina

‘Ennia den problema financiero grandi, afectando seguro di su clientenan’

Ennia ta den problema financiero grandi pa motibo cu su doño Hushang Ansary a ...

image.jpg

Michael Teddy Gibson di 29 aña ta wordo busca pa asesinato di Julian Weekes.

Gibson lo a tira Julian Weekes di 27 aña den e marduga di April ...

Hurricane Hunters Hercules a yega Aruba como parti di un tour den Caribe

ORANJESTAD – Ayera a yega na General Aviation Terminal di Aruba pa 12:04 minuut ...