KPA no kier a cambia e orario di parada na Playa diadomingo, cu a pone cu e gruponan ultimo a yega Vondellaan den scuridad. Presidente di SMAC Randy Thiel a confirma na NoticiaCla.com cu despues di a experencia e situacion di diasabra na San Nicolas (mas hende a participa cu originalmente a registra), a pidi polis pa cambia e orario di diadomingo pa cuminsa mas trempan. “Lamentablemente nos a bin tende di KPA cu no por a cumpli pa cambi’e (e orario) diadomingo”, segun Sr. Thiel. Di parti di polis, Lito Lacle a mustra cu minister di husticia Arthur Dowers lo reacciona riba e parti di polis, pakico nan no por a cambia e orario manera cu SMAC a pidi. Fuente Noticiacla.
