Sobrevivientenan di barco cu a sink na Indonesia haya riba isla y flotando riba lama

(AFP) – Dos sobreviviente di un boto di pasahero cu a sink cerca di Indonesia a ser haya riba un isla deshabita riba diadomingo, un oficial di rescate a bisa, un dia despues cu cinco otro a keda rescata mientras nan tabata flota riba lama.

E barco, cu tabata transportando mas di 70 persona, a sink diaranson mientras e tabata nabega cerca di Selayar, un isla chikito sur di Sulawesi.

Diadomingo, rescatistanan a haya un homber y un muhe cu a logra yega un isla chikito usando un obheto di flotacion improvisa. E duo a bisa cu cuatro otro cu tabata cu nan no a logra.

“Algun di nan a bira debil y no por a wanta na e obheto mas, y eventualmente a drif bay,” oficial di buskeda y rescate local, Muhammad Arif Anwar, a bisa AFP. “Cu speransa nos por haya nan acompañantenan ainda.”

Cinco otro sobreviviente, incluyendo un mucha muher di siete aña, a keda rescata diasabra despues di flota riba lama pa tres dia. “Despues cu e barco a sink, cada un di nan a salba nan mes usando cualkier ekipo of flotacion improvisa cu nan por a haya,” Arif a bisa AFP anteriormente diadomingo. “Nan a pone jerry can cu otro y pida di corki mara cu cabuya, y subi riba nan.”

E grupo a keda rescata diasabra tardi pa piscadornan local, cu a yama oficialnan pidiendo ayudo, el a bisa.

E sobrevivientenan, cansa y debil despues di flota pa dianan largo sin suficiente cuminda ni awa, a sostene nan mes cu paki noodle y buscuchi.

Cinco barco grandi, un avion di reconnaissance y un helicopter ta ser usa den esfuersonan andando pa busca pa 18 persona cu ainda ta kere ta desaparecido, Arif a bisa.

Como 50 hende a keda rescata diahuebs, oficialnan a bisa.

Rescatistanan a bisa cu e barco a lista apenas 50 persona abordo, pero verificacion a mustra cu tabatin 78 riba e barco. Ta comun na Indonesia pa e cantidad real di pasahero riba un barco ta diferente cu e manifest.

Accidentenan ta algo regular, en parti pa standard zwak di seguridad y clima peligroso.

Tres turista Spaño a muri ora nan boto a sink den oriente di Indonesia na januari. Un mucha homber di 10 aña di edad a keda declara como desaparecido oficialmente despues cu autoridadnan a stop e buskeda.