NEVADA – Detective a bisa cu un imigrante di El Salvador ta ser acusa di ocasiona 4 morto. El a bisa polis cu el a horta y mata e victima mayor di edad pa motibo cu e tabata mester placa pa cumpra methamphetamine.

E detective a bisa e gran hues, cu a acusa Wilbert Ernesto Martinez Guzman, 20 aña, siman pasa, cu e acusado ta bibando na Merca ilegalmente, a cuminsa yora y yama su mes un idiota prome cu a confesa di comete e crimen durante un interogacion.

Segun e detective, sr. Martinez Guzman a nenga di haci algo malo y cu tabata hari ora nan e autoridad tabata haci pregunta. Pero despues cu hues a confront’e cu contradiccionnan den su storia, durante un interogacion di tres ora, el a bisa mediante un interprete Spaño cu el a ‘haci algo impordonabel’.

E hues acusa sr. Martinez Guzman siman pasa pa 4 cargo di asesinato, uzando arma, tres caso di hortmmento den posesion di arma di candela. Un declaracion di no culpabilidad a ser presenta na su nomber. Su huicio ta programa pa cuminsa te cu 2020.

Su defensa publico, John Arrascada, a informa den un e-mail pa AP cu e no a ricibi e transcripcion di e hues te cu diaranson, y no tin ningun comentario. Oficialnan federal a bisa cu Martinez Guzman ta na Merca ilegal y no sa ki tempo of con el a yega e pais. E caso a hala atencion di president Trump, kende a bisa cu esaki ta mustra e necesidad pa un muraya.