Diadumingo dia 23 di juni, Splash ‘N Dash a organisa un fundraising event pa e team di Aruba Little League Intermediate unda a yuda recauda fondo pa nan biahe pa e Serie Latinoamericana Baseball Pequenas Ligas Intermedia cu lo tuma luga 28 di juni na Barranquilla, Colombia. 

Splash ‘N Dash ta un carwash unico y completamente automatico, cu ta laba auto den menos di 10 minuut na un super bon prijs. Splash ‘N Dash a probecha pa di biaha introduci su campaña di CareToWash unda cu cada compra di un basic Dushi Wash di Awg 19, un suma lo wordo otorga na un fundacion.

Riba diadomingo e grupo balente di Aruba Little League Intermediate a bin aporta cu e campaña  dor di asisti cu secamento di autonan. Na final di e evento a otorga e uniformnan na e hungadonan den e VIP Room di Splash ‘N Dash acompaña cu dushi snacks y bebida. Henter e grupo tambe a ricibi bunita regalo di Habon Aruba y Aruba Aloe pa asina nan por hiba cu nan.

Pa esunnan cu no a logra pasa diadomingo, por pasa durante e siman aki ainda. E campaña ta core te cu 27 di juni. Splash ‘N Dash ta habri di dialuna pa diasabra cuminsando di 8or di mainta te cu 7or di anochi y riba diadomingo di 10or di mainta te cu 3or di atardi. Splash ‘N dash ta situa riba Sasaki Weg patras di e edificio di MaxTorque cu ta situa banda di Red Fish Restaurant.

LEAVE A REPLY

Please enter your comment!
Please enter your name here