SPS Drilling E&P ta planea di cuminsa hiba productonan di petroleo na su tankinan di almacenamiento na Corsou recientemente, alrededor di luna di october, reactivando e terminal di Bullen Bay cu tabata opera pa Pdvsa estatal Venezolano te cu december 2019.

E contrato di un aña cu SPS Drilling E&P a firma cu e empresa estatal di servicionan publico CRU di Corsou dia 15 di september, inicialmente ta cubri 5,8 miyon di bl di almacenamiento, e parti operativo di e 15 miyonnan bl di capacidad di e terminal. E director ehecutivo di SPS Drilling E&P, Manuel Chinchilla a bisa cu e compania ta spera di asumi gradualmente e operacion di tur e tankinan na medida cu e reparacionnan wordo realisa.

“Nos intencion ta pa recupera entre 70% y 80% di e capacidad instala di e terminal pa e prome trimester di proximo aña,” Chinchilla a bisa. “Nos ta organisando nos mes pa e yegada di e prome tankinan na e terminal na mita di proximo luna”

E rendimento di e almacenamiento lo por wordo renoba, pero e ta condiciona na e resultado di un licitación den curso pa por opera na e refineria Isla di 335.000 b/d, pa lo cual tambe a competi SPS Drilling E&P. “Si nos no obtene e refineria, y un tercero gana y e estado di e tercero no kier sigui traha cu nos, nos tin 60 dia pa caba e contract, y esun cu gana e contract lo opera e refineria”, segun Chinchilla, ken ta basa na London. Mas di cantidad di empresanan ta competi pa operacion di e refineria. E propuestanan mester wordo presenta proximo luna.

Chinchilla a descarta cu lo maneha petroleo Venezolano na e terminal, den cumplimento cu e sancionnan di Merca. E compania lo notifica mensualmente na e oficina di control activo stranhero ( OFAC) di e departamento di Tesoro di Mericano di nan actividadnan pa garantisa transparencia, e la bisa.

E productonan limpi y fuel oil entrante lo bin di Merca, Europa, y den algun caso, SSP Drilling E&P lo comercialisa cargo den conhunto cu e title holdernan y comerciantenan. Bao e propuesta di refineria di SPS Drilling E&P, e compania lo reactiva lineanan di comercio viable manera lubricantenan usando fuentenan di energia mas limpi, Chinchilla a bisa.

E refineria, cu tabata opera PdV desde mita di añanan 1980, ta configura pa crudo pisa Venezolano, cual no ta disponibel mas pa motibo di e caida den produccion Venezolano y e sancionnan Mericano, agregando na e costonan operacional di e facilidad, el a bisa.

SPS Drilling E&P ta activo na Argentina y Mexico y tin bienes na Jordania. E compania tin oficina comercial na London, Houston, Miami, Mexico y Buenos Aires. Entre su inversionistanan ta fondonan di Medio Oriente, segun Chinchilla. E compania recientemente a adkiri e division di drilling na Mexico di Weatherford, y tin asociacion cu Weatherford y Halliburton.

E operacionnan principal di e compania tabata na Venezuela te cu a retira na 2018, lagando atras alrededor di $100 miyon di debe sin pago di PdV. E ultimo operacion di e compania na Venezuela, unda tabatin casi 800 empleado, tabata un contract di servicio di PdV pa rebiba e campo di oil madura Urdaneta. SPS Drilling E&P tabatin un asociacion controversial cu compania militar Camimpeg, cual Chinchilla tabata bisa tabata necesario pa sigura seguridad local.

“Pa motibo di e sancionnan, e situacion economico di Venezuela y e falta di cumplimento di contract cu tur companianan den e sector ta experimentando, nos a dicidi di cera nos operacionnan na Venezuela mas cu dos aña atras”, el a bisa. “Nos ta un compania solido. Nos no ta politico.”

Den un desaroyo separa ayera, CRU y e compania di refineria propiedad estatal di Corsou, RdK a tuma control di oil warda den refineria Isla como respuesta na e falta di pago di almacenamiento di PdV, y debenan di labor. PdV no a responde inmediatamente na un solicitud pa comentario. Corsou tabata parti di e red logistico di e compania Venezolano den Hulanda Caribense, cu tambe tabata inclui Aruba, Bonaire y St. Eustatius.

 

LEAVE A REPLY

Please enter your comment!
Please enter your name here