E conductornan di occidente di Venezuela ta depende cada vez mas di gasolin di contrabando cu ta bin di Colombia, revirtiendo decada di fluho di contrabando den cual e combustible Venezolano baratatabata yena e tankinan Colombiano na otro banda di frontera.

Ministerio di Petroleo di Venezuela y Pdvsa ta calcula cu e volumen di gasolin cu ta cruza frontera ilegalmente drenta Venezuela desde e departamentonanColombiano Norte de Santander y La Guajira ta entre 5.000 bari y 15.000 bari diario, entre 795.000 litro y 2.385.000 litro, tur bendi pa bendedor informal denestadonan Tachira y Zulia, segun Argus Media.

Te den 2018 e mafianan na frontera cu proteccion di funcionario di Guardia Nacional Venezolano tabata pasa gasolin di contrabando pa Colombia. Awor, debi na e sancionnan Mericano y e caida den disponibilidad di gasolin pa falta di capacidad di produccion interno, e escasez di gasolin na Venezuela a crea un mercado den sentido contrario.

E combustible Colombiano di contrabando ta bende awor den cayanan di e ciudadnan na frontera manera San Antonio y Maracaibo pa entre 2 y 3 dollar pa litro.

Mientras tanto e regimen di Maduro ta trata di mantene abastecimento na e pais importando gasolin di otro pais, manera Iran y India. E poco produccion local ta bay prioritariamente pa e ciudadnan grandi, cu enfasis riba Caracas. Asina segun director ehecutivo di Federacion Unitario di Trahador Petrolero (Futpv), Eudis Girot, a informariba red social cu e tanker Manuela Saenz a yega na terminal di Carenero, estado Miranda, cu un cargamento di gasolin destina pa alivia un poco e escasez di gasolin na e capital. Segun datonan suministra pa Girot, e barco a yega diabierna anochi pasa cu al menos 100.000 bari di combustible, di cual 80.000 lo ta pa Caracas. .

LEAVE A REPLY

Please enter your comment!
Please enter your name here