Pa di dos biaha Bon Dia tin e placer di ricibi dos stagiaire di Belgica pa yuda nos mehora nos compania.

 E biaha aki ta Senne Vanarwegen y Stijn de Groof cu ta yuda nos pa 3 siman. Nan a bin cu 6 otro studiante. Cinco di nan ta core stage na Universidad di Aruba y uno na Unesco. Tur ta studiantenan na Kogeka (Katholiek Onderwijs Geel-Kasterlee) cual ta consisti di varios scolnan. Senne ta studia IT y Networking y Stijn Accountancy/Marketing y IT, ambos na Sint Maria na e luga Geel.

Na Bon Dia nan ta encarga cu un proyecto cu ta encera video. Riba potret por mira ambos studiante cu nan docente Hans Geerts. E programa di stage ta financia cu placa Europeo y studiantenan ta bay London, Praag y otro ciudadnan na Europa. Aruba ta e unico luga pafo di Europa y asina ta popular bou di e studiantenan como luga pa bay core stage.