Prestamento di buki ta menos na Biblioteca Nacional

Prestamento di buki a baha na biblioteca. Asina mes e facilidad ta wordo hopi uza.  Digitalisacion ta un prioridad hopi grandi pa e biblioteca, asina e directora ta splica.

“Pa nos e parti di media nobo di infrastructura ta hopi importante,” directora di Biblioteca Nacional Astrid Britten ta bisa Bon Dia.

Den un otro publicacion nos lo bay un poco mas riba e prestamento di buki y diferente factornan pa kico tin menos prestamento di buki y con menos e ta compara cu antes. Un factor basta grandi cu nos a compronde for di algun hoben studiante ta internet. Studiantenan por haya tur locual nan mester via internet sin mayoria di biaha tin e necesidad pa tin e buki fisico nan dilanti pa obtene e informacion. “Hopi cos ta djis un Google away,” un hoben ta bisa nos.

Pero pa locual ta e parti di lesamento mes, aparentemente e interes den esaki no ta mucho grandi. Sinembargo biblioteca ta wordo uza pa otro motibo. “Ora cu a introduci Ciclo Basico cu Ciclo Avansa na e sistema di scol, mas y mas a rekeri di e studiantenan pa traha hunto den grupo. Mirando e realidad cu na cada cas di famia, mama y tata ta traha y studiantenan den mayoria caso ta bin studia na biblioteca”, sra. Britten ta bisa.

Parti mainta ta basta keto pero merdia ora scolnan ta caba, e biblioteca sa bira hopi yen. “Tambe cu e maneho di gobierno anterior pa bin cu MFA unda den cada localidad tin un biblioteca chikito, por mira cu esaki ta wordo uza masha hopi mes tambe.” E directora ta bisa cu el a compronde cu e minister actual encarga cu Enseñansa su atencion t’ey hopi tambe pa mira kico por ofrece e muchanan unda e uzo lo bira mas intensivo.

Desaroyo di biblioteca San Nicolas
Pa loke ta trata edificio y parti di infrastructura di e biblioteca na San Nicolas, gobierno ta actualmente haciendo renobacion na e edificio. Esaki ta den un fase mas avansa cual nos lo tende mas di dje pronto s sra. Britten ta splica. Supuestamente esaki lo mester a keda entrega na februari: “Den mi experiencia mescos ora bo haci algo na bo cas, e ta dura un tiki mas cu bo ta pensa pa keda cla. Tin biaha manera materialnan cu no a yega na tempo of a keda pega etc.”

Ta bay tin henter un sistema di lift nobo cual a wordo dicidi e biaha aki hunto cu henter un sistema di airco tambe. “Pues esey nos ta warda pa keda cla pa e personal por muda bek na e edificio. Paso aworaki nan ta den un luga temporario cu un espacio hopi mas chikito cu locual nan tin.” Biblioteca ta huur e departamento di Arubiana for di FCCA. Awor ta haciendo algun trabaonan manera verf pafo y siman pasa nan a caba cu e parti di paden.

Problema cu airco
Nos a publica varios biaha den pasado di e problemanan cu airco cu hasta a conduci na protesta bou personal di biblioteca.  Poco dia pasa a bolbe bin dilanti cu airco no ta trahando bon y cu tin un holo hopi malo den e edificio. Sra. Britten ta bisa cu e sistema a cay e fin di siman aki anto DIP(Departamento di Infrastructura y Planificacion) hunto cu e compania encarga CHS Technical Contracting & Trading wordo poni na altura mesora pa resolve e situacion. “Mas biaha nos sa tin problema cu airco, pero e no ta den nos man. Tur ora nos ta cana e caminda cu mester cana pa resolve e situacion.”

E biblioteca na playa a wordo entrega bek na 2012 despues di un renobacion grandi. Awor segun e directora, tin djis algun cos chikito di mantencion manera verf y kozijn y ya esaki tin atencion caba di minister, e ta bisa.

You May Also Like

plantacion (2).....jpg

Polis ta clarifica riba plantacion di marihuana

– Cuerpo Policial a tuma nota cu a lanta un ‘polemica’ relaciona cu e ...

Aruba su Turismo a habri aña cu un “super saturday”

Recientemente AAA N.V. a experiencia un otro ”Super Saturday” na unda cu  mas cu ...

Investigacion: Tin mucha menor di edad ta wordo forsa pa traha?

Bon Dia Aruba ta hibando un investigacion riba e tema di menornan di edad ...

duana aruba logo

Comercio cu gran grupo di duanero sospecha di fraude extenso

Siman pasa a drenta noticia cu a suspendi 7 duanero pa motibo di un ...

fta recomendacion gobierno.jpg

Segun presidente di FTA, sr. Hubert Dirksz “Hamas nos no kier sinta den stoel di gobierno”

Segun presidente di FTA, sr. Hubert Dirksz, no ta cuestion cu sindicatonan kier sinta ...

Mas di 350 vacatura di trabou durante Expo Labor

Diasabra na Renaissance Convention Center a tuma luga e Expo Labor 2017. Decenas di ...