E Starship futuristico di SpaceX a parce di aterisa exitosamente diaranson, pero despues a rementa riba e pad di aterisahe cu asina hopi forsa, cu el a wordo lansa den aire.
E fracaso a tuma luga apenas algun minuut despues cu SpaceX a declara exito. E dos vuelo di test anterior a termina den bala di candela.
E prototipo di escala completo di e nave Marsiano envisiona pa Elon Musk a eleva mas di 10km despues di despega for di e tip sur di Texas diaranson. A descende horizontalmente riba e Golfo di Mexico y despues a flip verticalmente net na momento pa aterisa.
E raket espacial briyante, forma di un bala di pistola, a keda intacto e biaha aki na touchdown, pa loke comentador di SpaceX, John Insprucker, a declara: ‘la tercera es la vencida manera e dicho ta bisa’ prome cu SpaceX a termina su webcast di e test.
Pero despues e Starship a explota y a wordo lansa den aire prome cu cay duro den tera na candela.
No tabatin comentario inmediato di SpaceX riba kico a bay fout. Pero Musk a mira e banda bon den un tweet: “Starship 10 a aterisa den un solo pida! RIP SN10, despedida cu honor.”
El a agrega: “Team di SpaceX haciendo trabao tremendo! Un dia, e medida berdadero di exio lo ta cu vuelonan di Starship ta bira comun.”
Musk su plan ta pa usa Starship pa manda hende na Luna y Mars.
E ultimo dos prototipo a alcansa un haltura similar na december y februari, pero a cay den tera na Boca Chica, Texas, y a rementa.
Cada un di e ultimo vuelonan di test aki a dura seis minuut y mey.
