Stealers a gana nan weganan di basketball

Basketball (NW) (5).JPG
En conexion cu ASU Olimpiada 2016, Aruba Basketball Bond tambe tabata tin nan competencia. E competencia aki ta un preparacion pa e muchanan prome cu nan competi den e campeonato di basketball di Aruba Basketball Bond otro luna.
 
Desde diabierna atardi te cu anochi, e muchanan a competi contra otro. Tur tabata busca pa bay cu e Victoria pa nan team, pero na final un so tabata gana.
Diasabra mainta e weganan a continua na Centro Deportivo Betico Croes na Santa Cruz. E team di Stealers a enfrenta Impact Banco di Caribe. Den e team di Impact por a mira dos mucha muhe tambe tabata hunga y tabata haci nan maximo esfuerso pa yuda nan team anota punto. Na final Stealers a bay cu e victoria ganando 18-5.
 
Den e categoria di Pasarella U14 Stealers un biaha mas a topa Impact Ballers. Den e categoria aki e muchanan tabata hunga un tiki mas agresivo y tabata busca na diferente ocasion pa anota punto. Na final Stealers a bay cu victoria di 40-30. Durante e wega por a mira con coachnan tabata dirigi e teamnan, pero tambe nos a tuma nota cu tin biaha e hungadonan no tabata sigui e hugada cu coachnan tabata indica nan. Tambe por a mira si hungado haci algo cu no ta bon, coach tabata hala nan atencion pa asina nan no ripiti e mesun eror.
 
Hobennan cu a participa den e curso di referee cu ASU a duna algun luna atras, a wordo uza durante e campeonato aki. Aruba Basketball Bond tin dificultad pa haya referee, p’esey awo nan ta haci uzo di e muchanan kendenan ta esunnan cu ta e futuro di basketball. ASU ta contento di mira cu e bond ta haciendo uza di e muchanan pa asina nan tambe por siña mas di basketball, no solamente e wega, pero tambe con e reglanan competencia ta.

You May Also Like

Casi 200 miyon florin di deficit pa 2018

E carta cu director di Departamento di Financia a manda pa e Informador dia ...

‘Hopi necesidad di cuido mental general, pero burocracia a stroba’

Despues di 40 aña Aruba tin un instancia cu ta bay encarga cu e ...

elmar.jpg

Clientenan lo nota cambio chikito riba e recibo di ELMAR N.V.

Relaciona cu e welga recientemente di e trahadonan di WEB Aruba N.V., a pone ...

editorial

Corupcion den duana…

Señal cu mester cuminsa pasa basora den nos aparato publico? Pa prome biaha den ...

Ministerio Publico

Minister Paul Croes y chauffeur su detencion prolonga pa 60 dia

Den un relato di Ministerio Publico a wordo anuncia cu hues comisario a prolonga ...

Discusion di Gobernador ta capitulo cera

Lo no a scapa e atencion di esnan cu a sigui e proceso di ...