E icono musical di 70 aña di edd, Stevie Wonder, recientemente a sinta pa un entrevista cu Oprah Winfrey, den cual el a revela cu e tin plan pa realoca

“Mi kier mira e nacion aki hari atrobe y mi kier mir’e prome cu mi bay… muda na Ghana”, el a bisa den un clip publica pa Punch Newspapers. “Pasobra mi ta bay haci esey.”

Contestando si e ta bay muda permanentemente, el a bisa si. “Mi no kier pa yiu di mi yiu di mi yiu mester bisa ‘por fabor gusta mi, por fabor respeta mi, por fabor mi sa cu mi ta importante, por fabor balora mi’”, el a splica.

E strea a pasa den dificultad medico tiki mas cu un aña atras, bisando publico na un conferencia di prensa cu el a wordo ‘bendiciona cu un riñon nobo’ na december 2019.

“Desde cu mi a sali di hospital, e enfermeranan a sigura pa mi bebe mi remedi na tempo y mi ta bay hacie pa asina largo cu mester, hasta si ta pa resto di mi bida. Mi ta sinti mi bon. Mi stem ta sinti bon”, el a bisa na october, segun AP. “Mi ta sinti manera mi tin 40 aña awo y mi djis kier gradici tur hende pa nan oracion y amor.”

El a continua sigurando su fanaticonan cu e lo laga sa si tin algo pa preocupa, urgiendo pa nan no scucha rumornan. “Y pa tur esnan cu ta tende di e rumornan, scucha, si mi ta sinti algun forma, mi lo laga boso sa”, el a agrega. “Nos no kier tin desinformacion. Mi ta bibo y saludabel.”

LEAVE A REPLY

Please enter your comment!
Please enter your name here