Stichting Monumentenfonds: ‘Tin mas plan pa edificio cu mester restauracion’

Stichting Monumentenfonds Aruba ta keda pendiente cu su otro trabounan di restauracion y mantencion di edificionan cu tin un balor pa historia di Aruba.

Anne Witsenburg, director di Stichting Monumentenfonds Aruba a duna di conoce cu den añanan pasa tabata intencion pa duna mas atencion na edificionan cu tin mester di esaki. Pa 2020 tin algun plan, otro luna ta spera cu lo anuncia na publico, manera Botica Aruba y ex-Paleis Hindu.

Nan tabata bezig ta huur e edificio cu ta bashi na Westraat 15 y Schelpstraat. Witsenburg ta duna di conoce cu si tin hende interesa, por acerca nan oficina. Tambe nan ta bezig cu cas cu tin na Pos Abou pa restauracion, ‘cu esey por mustra con hende tabata biba antes’.

Witsenburg ta comparti cu tin fondo disponibel, tin e diseño cu nan kier y ta cla pa cuminsa traha. Nan tin pa e tanki di awa, e watertoren di Playa y San Nicolas. “Nos a haya subsidio di Hulanda pa estudio di visibilidad, pa asina por restaura. Net dos siman pasa a haya e bon noticia cu a haya subsidio di Hulanda pa check con e plan ta.”

El a duna di conoce cu varios proyecto cu tin cu cuida pa historia di Aruba. El a menciona cu tin plan como fundacion, y ta conta cu cooperacion di instancia y otro fundacion. Nan ta agradecido cu ATA pa aporta na esfuerso di preserva e pasado pa futuro; mirando cu añanan a cambia y tin bishitante cu kier bishita pais pa siña di historia, cultura y herencia di un pais.

Den palabracion tambe cu gobierno y cooperacion cu DOW y otro fundacion di museo Arubano – cu ta huur dos edificio di nan. Si tin otro opcion y posibilidad, lo pidi conseho kico nan por haci cu nan edificio.

Tin hende cu tin interes pa keda mantene e cas di famia of welo, por ehempel, cu ta wak cu ta un monumento di balor cu ta surpasa pa e famia, cu‘tin un balor y storia su tras’. Tambe esunnan cu ta dispuesto pa haci algo y proteha e monumentonan.

“Nos colega di Bureau Monument tin cu regla e handbook y maneho di gobierno tocante e monumento. Nos ta bezig pa lanta un fondo pa hende por fia placa y mantene nan monumento proteha, pero cu condicionnan”, el a duna di conoce. Pa mas informacion por yama of bishita nan pagina di Facebook of website.