Stichting Parkietenbos: A entrega manifiesto na Gobierno pa cera dump

31augNg Parkietenbos.jpg

Stichting Parkietenbos representando e barionan di Cas Paloma, Simeon Antonio, Parkietenbos, Buena Vista, Mahuma y bisindario recientemente a reuni cu Ministro di Medio Ambiente Sr. Mike de Meza y Prome Ministro di Aruba Sr. Mike Eman pa asina haci entrega di un manifiesto na Gobierno.

 

E documento entrega ta urgi Gobierno pa cera e dump na Parkietenbos mas pronto posibel ya cu ta basta tempo caba cu el a yena y hasta bay over y basha den lama contaminando e area cu un cantidad di material dañino y hasta toxico pa medio ambiente. Manera ta conoci e dump aki tin mas di 75 aña ta existi y a bira awor un menasa pa salud di habitantenan di e bario y alabes un molester enorme. Sin un control adecuado tur sorto di material ta ser tira riba e dump aki manera; kimiconan, bestia morto, resto di cuminda, resto di sushedad humano, tire, asbest y un cantidad di otro materialnan dañino mas.

 

Apesar cu recientemente un intento a ser haci pa modernisa y mehora e maneho y procesamento di sushedad, esaki lamentablemente no a resulta, sinembargo e comunidad di e bisindario no tin idea di soporta mas tardansa pa un solucion. Huma y holo stinki, djaca, musca y holo malo ta asota e bario tur siman. Durante e reunion concerni  presidente di Stichting Parkietenbos Sra. Edith Koolman a lesa e manifiesto su contenido y na nomber di e habitantenan di e bario y firmantenan di peticion a urgi Gobierno pa tuma un decision pa cera e dump no mas tarda cu 31 di December 2016.

 

Gobierno di su banda a informa cu nan ta consciente di e situacion deplorabel di e dump y cu nan ta trahando riba diferente alternativa a corto y largo plaso. Miembronan di e fundacion a insisti cu no solamente e dump tin cu wordo cera pero alabes e area tambe lo tin cu ser sanea. Si un horcan mester pasa Aruba of un poco cerca di nos isla, e dump aki lo por causa un berdadero desaster pa e bisindario y Aruba. Stichting Parkietenbos ta spera sinceramente cu entrante otro aña e maneho di sushedad di Aruba wordo transforma den un proceso moderno y sostenibel bon pa medio ambiente y pa nos futuro generacionnan.

 

You May Also Like

azv.jpg

AZV su fondo BAZV ta up to date

Mientras cu ‘Uitvoeringsorgaan Algemene Ziektekosten Verzekering (UO AZV)’, a ricibi tur su placa di ...

Den juli: Crisis heffing 2.5% riba BBO y BAZV pa un total di 6%

“Locual nos ta pidi di comunidad no ta facil, pero no tin otro forma.” ...

Companianan Europeo interesa den proyecto Fast Ferry

Siman pasa minister Chris Romero (MEP) a reuni cu minister di transporte di Corsou, ...

Artistanan local ta boga pa bin mas dialogo riba con pa yuda Venezolanonan

Durante nos entrevista cu e 4 artistanan Arubano cu a participa cu e obra ...

Prome obheto di Aruba colga den Vaticano na Roma

Ayera durante prome rueda di prensa di gobierno pa 2018, minister Plenipotenciario Guillfred Besaril ...

Aruba ta anfitrion di seminario di Nacionnan Uni tocante Ley di Refugiado

Nacionnan Uni a organisa dos dia di seminario riba e tema ‘ Ley di ...