Tanique Fatima Chan ta un mucha muher super special. E tin 18 aña di edad y briya cu su sonrisa unda cu e bai. E ta bishitando scol Muchila Creativo y e ta gusta bay scol masha hopi mes. Ora e bin fe scol ainda e tin hopi energia y ta pura pa bay su lesnan cu ta sigui despues di scol. Tanique ta un mucha masha inteligente. Tanique na cuminsamento tabata un mucha hopi shy pero cu tempo e la Sali for di esei y awo e ta masha social mes. E ta un tremendo modelo cu hopi talento.

Tanique gusta sali come na restaurant y e ta encanta chuculati y bolo.

Tanique su mensahe pa tur mucha di Aruba ta pa boso corda bay scol tur dia paso scol ta dushi y bo ta siña hopi.

Chastity Kock-Hodge di ‘The Chaz Modelling & Talent School’ a duna Tanique un oportunidad di modela y baila cu nan y ta sumamente orguyoso di con leu Tanique a yega. Nos muchanan special sigur sigur merece wordo inclui den nos comunidad. Ban sigui duna nan un oportunidad.